संघटनात्मक अडचणी आणि कमी झालेली स्थानिक पकड त्यांच्यासाठी ही निवडणूक अधिक आव्हानात्मक बनवत आहे.

टोलेबाज न्यूज :

वणी:महाविकास आघाडीतील राष्ट्रवादी काँग्रेस पार्टीने अचानक स्वतंत्रपणे निवडणूक लढविण्याचा निर्णय घेतल्याने आघाडीतील संतुलन ढासळले आहे. राष्ट्रवादीकडून स्वतंत्र नगराध्यक्ष पदासह ११ उमेदवार रिंगणात उतरवण्यात आले आहेत. विशेष म्हणजे, हिंदू–मुस्लिम ऐक्याचे प्रतिक मानला जाणारा उमेदवार दिल्याने एकता आणि सामाजिक सलोखा यांचा संदेश देण्याचा राष्ट्रवादीचा प्रयत्न स्पष्ट दिसून येत आहे.

मात्र, या निर्णयाचा महाविकास आघाडीच्या मतांवर थेट परिणाम दिसू लागला आहे. परंपरागत मतदारांत विभाजन निर्माण झाल्याने आघाडीपुढे नवे समीकरण जुळविण्याचे कठीण आव्हान उभे राहिले आहे.

राजकीय घडामोडींनी रंगलेली वणीची ही निवडणूक आता चुरशीची होणार हे स्पष्ट झाले आहे. शिंदे गटाची आक्रमक खेळी, भाजपची कमकुवत झालेली ताकद आणि राष्ट्रवादीच्या स्वतंत्र लढतीमुळे निर्माण झालेली अनिश्चितता — या तिहेरी संघर्षात नगरपरिषदेचा कौल अखेर कोणाला मिळणार, हे पाहणे औत्सुक्याचे ठरणार आहे.