वणी

•विदयार्थ्यांचे सुरक्षे संबधी शाळा समिती व शिक्षकाकडून हयगय झाल्यास कडक कार्यवाहीचा ईशारा ;

टोलेबाज न्यूज :

वणी :24 जुलै 026 रोजी पो.अधीक्षक कुमार चिंता यांनी ऑपरेशन प्रस्थान अंतर्गत यवतमाळ ज़िल्हयातील माध्यमिक, उच्चमाध्यमिक शासकीय ,खासगी मराठी तसेच इंग्लिश मिडीयम चे मुख्याध्यापक व शिक्षण क्षेत्राततील अधिकारी यांचे ज़िल्हास्तरीय विध्यार्थी सुरक्षा व नशामुक्ती शिबीराचे आयोजन करण्यात आले. 

या शिबिराला पो.अधीक्षक कुमार चिंता यांनी विदयार्थ्यांचे सुरक्षेसाठी संस्था चालक व शिक्षण समिती यांनी प्रत्येक शाळेत, व संपूर्ण शालेय परिसर येथे सीसीटिव्ही यंत्रणा कार्यान्वित करण्यात यावी, शालेय विदयार्थ्यांचे वाहतुकी दरम्यान महिला वार्डन असणे आवश्यक आहे, विध्यार्थी शाळेतील स्टाफ ,कर्मचारी बद्दल प्रत्यक्ष तक्रार करू शकत नाही त्याकरीता प्रत्येक शाळेत तक्रार पेटी आवश्यक असून ती आठवड्यातून किमान दोन वेळा पालक शिक्षक समितीचे अध्यक्ष व सखी सावित्री समितीचे अध्यक्ष यांचे समक्ष उघडली गेली पाहिजे व प्राप्त तक्रारीवर त्वरित कार्यवाही होणे आवश्यक आहे. 

शालेय बसचालक, वाहक आणि वाहन मालक यांनी वाहतूक नियमाचे काटेकोर पालन करावे .वाहणाचे नियमित तपासणी, वाहन तांत्रिक दृष्ट्या दुरुस्त असावे, वार्डन व चालक यांची चारित्र्य पडताळणी करण्यात यावी, चालक निर्व्यसनी ,व त्याचे विरुद्ध आधी कुठल्याही प्रकारची गुन्ह्यांची नोंद नसावी 100 मिटर परिसरात तसेच शालेय वातावरणात तांबखू, गुटका, सिगारेट,ई सिगारेट किंवा तंबाखूजन्य पर्दाथाची विक्री व धूम्रपानास कायद्याने बंदी असून तसेच बदलापूर येथील विदयार्थ्यांवर झालेल्या अत्याचाराचे घटनेनंतर शासनाने काढलेल्या परिपत्रकाचे शाळा समितीने व शाळा व्यवस्थापणाने तंतोतंत पालन करणे आवश्यक असून नियमाचे उल्लंघन झाल्यास संबंधीताविरुद्ध गुन्हे दाखल करण्याचे सक्त्त आदेश देण्यात आले आहे. 

या कार्यक्रमास अध्यक्ष ज़िल्हाधिकारी विकास मीना, पो. अधीक्षक कुमार चिंता,मु.कार्यकारी अ.जि.प.संतोष धोत्रे ,उ.प्रा.प.अ.प्रशांत देशमुख ,शिक्षणाधिकारी किशोर पागोरे ,. तसेच माध्यमिक, उच्चमाध्यमिक शासकीय ,खासगी मराठी तसेच इंग्लिश मिडीयम चे मुख्याध्यापक व शिक्षण क्षेत्राततील अधिकारी हजर होते. 

• संबधित प्रकरणातील दोषींवर निष्पक्ष चौकशी व तातडीने कारवाई ची मागणी.
• अन्यथा लोकशाही मार्गाने आंदोलन अधिक तीव्र करण्याचा इशारा काँग्रेसच्या वतीने देण्यात आला.

वणी : दि. 24 जुलै 2026 दिल्लीतील जंतर-मंतर येथे आंदोलनकर्त्यांवर झालेल्या लाठीचार्जचा तसेच लोकसभेतील विरोधी पक्षनेते मा. राहुल गांधी यांना देण्यात आलेल्या अपमानास्पद वागणुकीच्या निषेधार्थ आज वणी तालुका काँग्रेस कमिटी व वणी शहर काँग्रेस कमिटीच्या वतीने शिवाजी चौक येथे एकदिवसीय धरणे आंदोलन करण्यात आले.

आंदोलनानंतर मा. राष्ट्रपती महोदया यांना उद्देशून मा. उपविभागीय अधिकारी, वणी यांच्यामार्फत निवेदन सादर करण्यात आले. निवेदनात जंतर-मंतर येथील लाठीचार्जची निष्पक्ष व सखोल चौकशी करावी, दोषींवर कठोर कायदेशीर कारवाई करावी, शांततापूर्ण आंदोलन करण्याच्या घटनात्मक अधिकाराचे संरक्षण करावे, मा. राहुल गांधी यांच्याशी झालेल्या वागणुकीची चौकशी करून संबंधितांवर कारवाई करावी, भविष्यात अशा घटना टाळण्यासाठी आवश्यक उपाययोजना कराव्यात तसेच NEET पेपरफुटी प्रकरणी आंदोलन करणाऱ्या विद्यार्थ्यांच्या मागण्या मान्य कराव्यात, अशा प्रमुख मागण्या करण्यात आल्या.

यावेळी वणी तालुका काँग्रेस कमिटीचे अध्यक्ष विकेश पानघाटे यांनी लोकशाहीमध्ये नागरिकांना शांततापूर्ण आंदोलन करण्याचा अधिकार असून, आंदोलनकर्त्यांवर बळाचा वापर करणे लोकशाही मूल्यांच्या विरोधात असल्याचे सांगितले. तसेच विरोधी पक्षनेत्यांशी सन्मानपूर्वक वागणे ही संसदीय परंपरा असल्याचे नमूद करून या संपूर्ण घटनेचा तीव्र निषेध व्यक्त केला.

या आंदोलनात प्रदेश सचिव संजय खाडे शहर काँग्रेस कमिटीचे अध्यक्ष जय आबड  , देविदास काळे,प्रमोद वासेकर, डॉ. कावडे, मोरेश्वर पावडे, रुपेश ठाकरे, टिकाराम कोंगरे, वंदना आवारी, रवींद्र होकम,अफसर शेख,सुधीर खंडाळकर, मोरेश्वर वासेकर, फरीद शेख, राजू अंकतवार, सुरज पुल्लेवार, तेजराज बोढे, राजू काळे, भास्कर वासेकर, अनंत डुंबारे, पांडुरंग पंडिले, डॉ. महेंद्र लोढा, जयसिंग गोहोकार, रवींद्र कांबळे, श्यामा तोटावार, मनीष खाडे, अशोक चिकटे, पलाश बोढे, रोहित मालेकर, वंदना धगडी, सविता रासेकर, प्रेम मेश्राम, प्रेम मंगाम, अनिल भोयर, विजय मालेकर, अशोक नागभीडकर, भास्कर आत्राम, नंदकिशोर अंबोरे, पुंडलिक गुंजेकर, सुरेखा वडीचार, अल्का मोवाडे यांच्यासह काँग्रेसचे पदाधिकारी, कार्यकर्ते व नागरिक मोठ्या संख्येने उपस्थित होते.

टोलेबाज न्यूज

वणी : यवतमाळ शहराततील एका बार मध्ये दोन लाचखोर लिपकास पन्नास हजार रुपयाची लाच घेताना अँटी करप्शन ब्युरो यवतमाळ पथकाला रंगेहात पकडण्यात यश आले असून शहरात खडबड उडाली आहे.

माहिती नुसार कळंब येथील शेताचे सौदेपत्र झाले होते ती जमीन भोगवटदार वर्ग 2 मधून वर्ग 1 करण्याकरीता मूळमालकाने ज़िल्हाधिकारी यवतमाळ येथे अर्ज केला व तक्रारदार  यास पाठपुरावा करण्यासाठी सांगितले होते तक्रारदाराने काही दिवसापूर्वी सदर कामानिमित्त लाचखोर लिपिक गोपाल मोहोड (महसूल सहाय्यक महसूल विभाग ज़िल्हाधिकारी कार्यालय यवतमाळ) यांची ज़िल्हाधिकारी कार्यालय यवतमाळ येथे भेट घेतली असता  लाचखोर लिपिक गोपाल मोहोड यांनी तक्रारदारास सदर प्रकरण निकाली काढून भोगवटदार वर्ग 2 मधून वर्ग 1 चा आदेश काढण्याकरीता 75,000 रू. लाचेची मागणी करून  सदर रक्कम त्याचे कार्यालयातील जुने लिपिक राहुल कुयटे (प्रतिनियुक्ती तहसील कार्यालय पांढरकवडा )यांना देण्यास सांगितले होते. 

अशी तक्रार दि.6 मार्च 026 रोजी अँटी करप्शन ब्युरो यवतमाळ येथे देण्यात आली होती त्या वरून दि.6 मार्च 026 तसेच दि.7 मार्च 026 /दि.10 मार्च 026 /दि.12 मार्च 026 व  दि.13 मार्च 026 रोजी केलेल्या पडताळणी कार्यवाही दरम्यान लाचखोर लिपिक गोपाल मोहोड यांनी लाचेची मागणी रकमेसंबधी लाचखोर लिपिक राहुल कुयटे यांची भेट घेण्यास सांगितले असता .

दि.13 मार्च 026 रोजी लचेचा पडताळणी कार्यवाही दरम्यान सदर प्रलंबित प्रकरण निकाली काढण्याकरीता लाचखोर लिपिक गोपाल मोहोड यांचे करीता तडजोडी अंती लाचेची रक्कम 50,000 रू.घेण्याचे मान्य करून दि. 13 मार्च 026 रोजी स्टेट बँक चौक येथील फ्रेंड्स बार येथे तक्रारदारार यांचे कडून 50,000 रू.लाच स्विकारल्याने लाच लुचपत विभागाचा पथकाने रंगेहात पकडण्यात आले असून पुढील तपास यवतमाळ शहर पोलीस स्टेशन करीत असून गुन्हा नोंद करण्याची प्रक्रिया सुरु आहे. 

ही कार्यवाही पो.अधीक्षक बापू बांगर अँटी करप्शन ब्युरो अमरावती,अप्पपो.अधीक्षक सचिन्द्र शिंदे अँटी करप्शन ब्युरो अमरावतीयांचे मार्गदर्शनाखाली पो.उपअधीक्षक अभय आष्टेकर, पोनि. अर्जुन घनवट व सर्व अँटी करप्शन ब्युरो यवतमाळ यांनी यशस्वी पार पाडली. 

टोलेबाज न्यूज :

वणी : दि. 11 मार्च 026 रोजी स्थानिक गुन्हे शाखा यवतमाळ येथील पथक शहरात फरार आरोपी शोध घेण्याकारिता पेट्रोलिंग करीत असताना रात्री 2 वाजता सुमारास गुप्त्त माहिती मिळाली कि एक ईसम पांढऱ्या रंगाची टीशर्ट व पॅन्ट घालून कमरेला अवैध पिस्तूल (अग्निशत्र )खोचून भाग्य नगर डोर्ली परिसरात फिरत आहे. 

अशा खात्रीशीर माहिती वरून पोलीस पथक दोन पंचासह भाग्य नगर डोर्ली परिसर गाठले तेथे रोडच्या साईडला असलेल्या मंगेश पान सेंटर समोर एक ईसम संशयास्पद आढळून आला त्यास पथकाने ताब्यात घेऊन पंचांसमक्ष नाव विचारले असता एजाज शेख हसन शेख वय 34 वर्षे रा. कुरेशी पुरा कळंब चौक यवतमाळ असे सांगितले .

त्याची अंगझडती घेतली असता त्याचे कमरेला खोचून स्टीलच्या धातूची पिस्तुल (अग्निशत्र) अंदाजे कि.50,000 रू.मिळून आले त्या ईसमास शस्त्र बाळगण्याचा परवाना बाबत विचारले असता परवाना नसल्याचे सांगितले असता आरोपीस ताब्यात घेहून त्याचा विरुद्ध यवतमाळ शहर पोलीस ठाणे येथे 3,25 भारतीय हत्यार कायद्यान्वये गुन्हा नोंद करण्यात आला. 

ही कार्यवाही पो.अधीक्षक. कुमार चिंता ,अप्प. पो.अधीक्षक अशोक थोरात ,पो.नि.सतीश चवरे यांचा मार्गदर्शनात सपोनि.दत्ता पेंडकर ,पोउनि.धनराज हाके ,पो.अमलदार सुनील खंडागळे, सुधीर पांडे ,निलेश निमकर ,सुधीर पिदूरकर ,रजनीकांत मडावी ,नरेश राऊत सर्व स्थानिक गुन्हे शाखा यवतमाळ यांनी पार पाडली .

टोलेबाज न्यूज

•ज़िल्यातील 04 गुन्हे उघड, चार चाकी वाहणासह 20 बॅटऱ्या जप्त्त

वणी : यवतमाळ 9 फेब्रुवारी 026 रोजी चोरी केलेल्या बॅटऱ्या विक्री करण्यासाठी तीन चोरटे तीन चाकी अँपे वाहनाने  यवतमाळ परिसरात फिरत असल्याच्या गुप्त्त माहिती वरून स्थानिक गुन्हे शाखा यवतमाळ यांना आरोपी पकडण्यात मोठे यश आले असून 2,15,000 रू.मुद्देमाल जप्त्त करण्यात आला आहे .

सविस्तर स्थानिक गुन्हे शाखा यवतमाळ पथक चोरीचा गुन्ह्यातील अज्ञात आरोपीचा शोधात प्रट्रोलिंग करीत असतांना गुप्त्त माहितीवरून आरोपी परमेश्वर सुनील राठोड वय 25 रा.सिंदखेड ता. नेर ज़ि. यवतमाळ, हा त्याचे साथीदारासह पो.स्टे.दारव्हा ,यवतमाळ ग्रामीण आणि अवधूतवाडी हद्दीतील वाहनाचे बॅटऱ्या चोरी करून ते त्याचा साथीदारासह बॅटऱ्या विक्री करिता तीन चाकी अँपे क्र.MH-29-BD-1689 मध्ये लोडींग करून फिरत आहे .वाहणाचा शोध घेतला असता पोबारू लेआउट रस्त्याने सदर वाहन दिसून आले वाहन थांबवून वाहन चालक व मागील कॅरिअर मध्ये दोन इसम तसेच बॅटऱ्या लोड केलेल्या दिसून आल्याने सदर तिन्ही इसमांना त्याचे नाव विचारले असता चालक1) शेख रब्बू शेख नवाब वय 26 रा.डेहणी ता.दिग्रस ह.मु. अलकबीर नगर यवतमाळ , 2)परमेश्वर सुनील राठोड वय 25 रा.सिंदखेड ता. नेर ज़ि. यवतमाळ, 3)साहिल शंकरराव खवासे वय 21 रा.अशोक नगर नेर ज़ि.यवतमाळ यांना ताब्यात घेतले. 

त्याचा ताब्यात असलेल्या अँपे मधील बॅटऱ्याचे मालकी हक्का बाबत विचारना केली असता त्यानी उडवा-उडवीची उत्तरे देत असल्याने विश्वासात घेऊन पंचांसमक्ष गुन्ह्याची कबुली देत दारव्हा हद्दीतील गिट्टी खदान येथून, ग्राम दहेली ता.दारव्हा तसेच यवतमाळ शहरातील 02 ठिकाणावरून चोरी करून विक्री करिता घेऊन जात असल्याचे सांगीतले. 

तिन्ही ईसमाकडून पंचांसमक्ष चोरीतील 20 बॅटऱ्या व गुन्ह्यात वापरलेले अँपे वाहन असा 2,15,000 रू.मुद्देमाल हा पुढील कायदेशीर कारवाईकामी जप्त करण्यात आला.

आरोपीचा सांगितल्या प्रमाणे बॅटऱ्या चोरी केले असल्याच्या  घटनास्थळ बाबत अभिलेख तपासला असता नमूद मुद्देमाल हा खालील प्रमाणे गुन्ह्यातील असल्याचे निष्पन्न झाले. 

1. पो.स्टे.दारव्हा अप.क्र.0068/2026 कलम 303(2)भा.न्या.सं.
2. पो.स्टे.दारव्हा अप.क्र.0027/2026 कलम 303(2)भा.न्या.सं.
3. पो.स्टे.यवतमाळ ग्रामीण अप. क्र.0635/2026 कलम 303(2)भा.न्या.सं.
4. पो.स्टे.अवधूतवाडी अप.क्र.1576/2026 कलम 303(2)भा.न्या. सं.

ही कार्यवाही पो.अधीक्षक कुमार चिंता ,अप्पर पो.अधीक्षक अशोक थोरात ,पो.नि.स्था.गु.शा.सतीश चवरे यांचा मार्गदर्शनात सर्व नेम-स्थानिक गुन्हे शाखा यांनी यशस्वीरित्या पार पाडली.

टोलेबाज न्यूज

वणी : शालेय व महाविद्यालयीन जीवनात अनेक मित्र मैत्रिनी भेटतात मैत्री होते मात्र काळ पुढे सरकतो आणि अनेकांशी संपर्क तुटतो नेमक कोण कुठे आहे याचा थांग पता लागत नाही अशा वेळेस मित्रा मधूनच कोणीतरी पुढे येतो आणि मैत्रीचा ओढीने एकत्र येण्याची संकल्पना बोलून दाखवितो.यातूनच मग मैत्रीचा मेळा भरतो आणि तब्बल 25 वर्षा नंतर सारे एकत्र येऊन पुन्हा जुन्या आठवणी जगवितात अशीच वणीतील लोकमान्य टिळक महाविद्यालयातील 2000 च्या बॅचमधील विध्यार्थ्यानी ही अनुभूती घेतली.

येथील लोकमान्य टिळक महाविद्यालयात नुकताच हा स्नेह मिलन सोहळा पार पडला. या सोहळ्यात एखाद्या लग्न समारंभाचे स्वरूप होते. पाहुण्यांच्या स्वागताला चक्क बँड सांगण्यात आला होता फुलांचा वर्षावात वाजत गाजत पाहुणे आणि माजी विध्यार्थी विध्यार्थीनीचे सभागृहात आगमन झाले. उदघाटनीय कार्यक्रमा नंतर विध्यार्थ्यानी मनोगत व्यक्त्त केले. नंतर गीत गायन ,कविता वाचन, नूत्य आणि विविध खेळाचा माध्यमातून धमाल केली. जुने वर्ग ,ग्रंथालय आणि महाविद्यालयाचा परिसर पाहून अनेकजण भावुक झालेत 25 वर्षानंतर आम्ही एकत्र  आलोय आणि तीच मैत्री पुन्हा अनुभवली अशा भावना सर्वांनी व्यक्त्त केल्या .

कार्यक्रमाची सुरवात उदघाटनीय सोहळ्यानी झाली शिक्षण प्रसारक मंडळाचे अध्यक्ष विजय मुकेवार यांनी अध्यक्षस्थान स्वीकारले. प्रमुख पाहुणे म्हणून प्राचार्य प्रसाद खानझोडे, प्रा.अनिल हूड ,प्रा.सुधाकर रेड्डी ,डॉ. अजय देशपांडे ,सहसचिव अशोक सोनटक्के ,डॉ.संदीप तुंडुरंवार, डॉ.शंकर वऱ्हाटे, डॉ.रेखा पवार ,डॉ.अभिजित अणे, प्रा.उमेश व्यास मंचावर उपस्थित होते. 

कार्यक्रमाचे संचालन प्रा.संतोष डाखरे यांनी प्रास्ताविक संयुक्त्तरित्या प्रवीण खानझोडे आणि वैशाली पाटील यांनी तर आभार गोपाल गव्हाणे यांनी मानले. 

टोलेबाज न्यूज

वणी :यवतमाळ | दि. 3 फेब्रुवारी 2026 रोजी लाचलुचपत प्रतिबंधक विभागाने (ACB) दिग्रस येथील भूमीअभिलेख कार्यालयात यशस्वी सापळा रचत दोन लाचखोर लोकसेवकांना ५ हजार रुपयांची लाच स्वीकारताना रंगेहात पकडलेअसून महसूल विभागात मोठी खळबळ उडाली आहे.

या कारवाईत सखाराम नरसिंग पवार (वय 49), उपअधीक्षक, भूमीअभिलेख कार्यालय, दिग्रस आणि आशिष काशिनाथ शेलोकर (वय 47), नझुल परिरक्षण भूमापक यांना अटक करण्यात आली आहे.

तक्रारदार महिलेच्या सासऱ्यांनी त्यांच्या मालकीची मालमत्ता बक्षीसपत्राद्वारे तक्रारदार व त्यांच्या पतीच्या नावे केली होती. या मालमत्तेचा फेरफार नोंद करून मिळवण्यासाठी तक्रारदारांनी संबंधित कागदपत्रे भूमीअभिलेख कार्यालयात सादर केली. त्यावेळी भूमापक आशिष शेलोकर यांनी तक्रारदारांना उपअधीक्षक सखाराम पवार यांची भेट घेण्यास सांगितले असता त्याना भेटले असता 5 हजार रू.मागणी केली होती.

त्यानी फेरफार करण्यासाठी ५ हजार रुपयांची लाच मागण्यात आल्याची तक्रार ACB कडे करण्यात आली. पडताळणीत शेलोकर यांनी स्वतःसाठी व उपअधीक्षकांसाठी ही रक्कम मागितल्याचे निष्पन्न झाले. त्यानुसार ३ फेब्रुवारी रोजी सापळा रचण्यात आला. तक्रारदारांकडून शेलोकर यांनी पंचांसमक्ष ५ हजार रुपये स्वीकारले. त्यापैकी २,५०० रुपये स्वतःकडे ठेवून उर्वरित २,५०० रुपये पवार यांना देताच दोघांनाही उपअधीक्षकांच्या कक्षात रंगेहात पकडण्यात आले.

या प्रकरणी दिग्रस पोलीस ठाण्यात गुन्हा दाखल करण्याची प्रक्रिया सुरू आहे.

ही कारवाई अॅन्टी करप्शन ब्युरो अमरावती परिक्षेत्राचे पोलीस अधीक्षक बापू बांगर, अपर पोलीस अधीक्षक सचींद्र शिंदे आणि पोलीस उपअधीक्षक अभय आष्टेकर यांच्या मार्गदर्शनाखाली पोलीस निरीक्षक मनोज ओरके व अर्जुन घनवट तसेच त्यांच्या पथकाने पार पाडली.

दरम्यान, शासकीय कर्मचाऱ्यांनी लाचेची मागणी केल्यास नागरिकांनी अॅन्टी करप्शन ब्युरो, यवतमाळ कार्यालयाशी दूरध्वनी क्रमांक ०७२३२-२४४००२, मोबाईल ८९७५७९१०६४ किंवा टोल फ्री १०६४ वर संपर्क साधावा, असे आवाहन करण्यात आले आहे.

टोलेबाज न्यूज

वणी : बोर्डा येथे स्व:मारोती गजानन पायघन यांचे स्मृतीप्रित्यर्थ जय संतोषी माँ क्रीडा व समस्त ग्रामवासी बोर्डा द्वारा सामन्याचे आयोजित करण्यात आले असून यांनी बोर्डा व रासा येथे खेळल्या जाणाऱ्या हॉलीबॉल ची चाळीस वर्षाची परंपरा जोपासत या खेळातून गावातील तरुण वर्ग व लहान मुलांमध्ये शारीरिक विकास व नवचैतन्य मिळत आहे.तसेच 2 फेब्रुवारी 026 रोजी प्रा.हेमंत चौधरी यांचा हास्य दर्पनाचा मनोरंजनाचा कार्यक्रम ठेवण्यात आला आहे नागरिकांनी या कार्यक्रमाचा आनंद घेण्याचे आव्हान मंडळाचे वतीने करण्यात आले आहे.

भव्य हॉलीबॉलचे खुले सामन्याचा उदघाटन सोहळा दि.31 जानेवारी 026 रोजी संध्याकाळी 8 वाजता प्रमुख पाहुणे आमदार संजयभाऊ देरकर, प्रमोद वासेकर (अध्यक्ष वसंत जिनिंग वणी )दिलीप काकडे ,महेश सोमलवार ,विलास कालेकर ,पुरुषोत्तम आवारी, अनिल कोठारी ,देवेंद्र ताजने, वसंता येवले ,शीतल सातपुते ,मंगेश तलांडे, सतीश राजूरकर ,गणेश पायघन ,विलास झाडे, सुरेश दुधकोहळे ,वासुदेव मल्लूरवार सर ,अविनाश लडके,प्रवीण झाडे तसेच कार्यक्रमाचे अध्यक्ष सौं आशाताई प्रवीण झाडे (सरपंच ग्रामपंचायत बोर्डा)व सर्व ग्रामपंचायत सदस्य, समस्त ग्रामवासी बोर्डा यांचा उपस्थितीत दीप प्रज्वलन करून संपन्न झाला. 

सूत्र संचलन देवेंद्र बच्चेवार सर,प्रास्तविक अविनाश लडके सर,आभार प्रदर्शन वासुदेव मल्लू्रवार सर यांनी केले.

•ज़िल्हा वाहतूक शाखा उपविभाग वणी यांना तालुकाध्यक्ष फाल्गुन गोहोकार यांचे निवेदन 

•8 दिवसाचा अल्टीमेट अन्यथा मनसे व ग्रामस्थांच्या वतीने तीव्र जनआंदोलन छेडण्याचा इशारा

टोलेबाज न्यूज 

वणी :नांदेपेरा बायपास ते खैरी वडकी मार्गांवरील सुरु असलेल्या जड वाहतूकिस  ज़िल्हाधिकारी यवतमाळ यांनी नांदेपेरा ते खैरी वडकी हा मार्ग 10 टना पेक्षा जास्त वजनाच्या वाहणासाठी त्रांत्रिकदृष्टया सक्षम नसल्याने बंद करण्यासाठी 10/10/2022 मोटार वाहन 1988 चा कलम 115 नुसार स्पष्ट आदेश देऊन सदर जड वाहतूक खैरी वडकी, करंजी ,मारेगाव मार्गे वणी या पर्यायी मार्गाने वळविण्यात आली होती.

तरी प्रशासकीय आदेशाला केराची टोपली दाखवून सर्रास या मार्गांवरून प्रचंड जड वाहतूक सुरु आहे त्यामुळे रस्त्यावर मोठ्या प्रमाणात खड्डे पडले असून धुळीच्या प्रदूषणामुळे नागरिकांचे आरोग्य धोक्यात आले आहे या मार्गांवर शाळकरी मुले, दुचाकी स्वार व हलकी वाहने मोठ्या प्रमाणात येजा करीत असतात जड वाहनांचा अतिवेगामुळे व निष्काळजीपणामुळे रोज छोटे मोठे अपघात होत आहेत हा मार्ग मृत्यूचा सापळा बनला असून परिसरातील नागरिकांचा जीवितला कायम स्वरूपी धोका निर्माण झाला आहे. 

शासनाच्या आदेशाची अंमलबजावणी होत नाही व जड वाहतूकदारावर वचक नसल्याने या मार्गांवरील ग्रामस्थांमध्ये तीव्र संतापाची लाट पसरली आहे. या मार्गांवरील बेकायदेशीर जड वाहतूकीवर येत्या आठ दिवसात कार्यवाही झाली नाही तर महाराष्ट्र नवनिर्माण सेना व या परिसरातील सर्व ग्रामस्थांचा वतीने रस्ता रोको व तीव्र स्वरूपाचे जनआंदोलन करण्यात येईल अशा ईशारा निवेदनातून देण्यात आला.

यावेळी तालुकाध्यक्ष फाल्गुन गोहोकार,लकी सोमकुवर,प्रवीण कळसकर,वैभव पुराणकर,आकाश काकडे,धीरज पचे,रंजित बोन्डे,धीरज बगवा,कैलास काकडे,योगेश तुराणकर,सौरव राजूरकर,अंकित काकडे,रुपेश जोगी,कवडू काकडे,चेतन सूर,सुरज काकडे,दिनेश झिले,अतुल तेलतुंबडे,यासंह अनेक कार्यकर्ते उपस्थित होते. 

टोलेबाज न्यूज

वणी :पांढरकवडा शहरात समाजाला हादरा बसणारी एक घटना घडली आहे शहरातील हनुमान वॉर्ड जवळील नाल्यात नवजात बाळ रडत असल्याचा आवाज येताच काही नागरिकांनी बाळाला बाहेर काढून ताबडतोब ज़िल्हा रुग्णालयात नेऊन त्या नवजात बाळाला नवीन जीवदान दिले या मनहेलावून टाकणाऱ्या घटनेने शहरातील नागरिकांत संताप व्यक्त केल्या जात आहे. 

दि. 28 जानेवारी 2026 रोजी हनुमान वॉर्ड पांढरकवडा येथील केतन  गजानन कटकोजवार वय 33 यांचा घरा शेजारील नाल्यात दुपारी 3/30 वाजता दरम्यान नवजात बाळाचा रडण्याचा आवाज येत असल्याने केतन आणि घरा शेजारी राहणाऱ्या इसमानी त्या नाल्यात पाहणी केली असता त्याना नवजात स्त्री जातीचे बाळ दिसून आले सदर लोकांचा मदतीने बाळाला बाहेर काढून उपचाराकरिता उपज़िल्हा रुग्णालय पांढरकवडा दाखल करण्यात आले व नंतर केतन कटकोजवार यांनी पांढरकवडा पो. स्टेशन ला जाऊन रीतसर तक्रार दिली तक्रारीवरून पांढरकवडा पो. स्टेशन येथे अपराध क्र. 199/2026 कलम 93 बी.एन.एस.नुसार गुन्हा दाखल करण्यात आला. 

या गुन्हातील नवजात स्त्री बालकाचे माता पिता यांचा शोध घेण्याकारिता पो.स्टेशनला तात्काळ पथक तयार करण्यात आले तपास पथकातील अधिकारी व पोलीस अंमलदार यांनी तांत्रिक व गोपनीय माहितीच्या आधारे अवघ्या दोन तासात नवजात स्त्री बालकाची माता अर्चना सुनील शिवरकर वय 28 वर्षे व पिता सुनील दिगांबर शिवरकर वय 31 वर्षे दोन्ही रा. नेहरू वॉर्ड असल्याचे कबूल करून गुन्हा उघडकीस आला. 

ही कार्यवाही पो.अधीक्षक कुमार चिंता ,अप्पर पो. अधीक्षक अशोक थोरात, सहाय्यक पो.अधीक्षक रॉबिन बन्सल यांचा मार्गदर्शनात पोनि.एल.डी.तावरे यांचा सूचनेवरून पोउपनि.नितीन सुशीर तसेच पुढील तपास पांढरकवडा पोलीस करीत आहे.