वणी

टोलेबाज न्यूज :

•आदिवासी विकास मंत्री अशोक उईके, नवनिर्वाचित नगराध्यक्ष ऍड. प्रियदर्शनी उईके यांचे हस्ते दामिनी पथक’च्या नव्या वाहनाचे लोकार्पण

वणी :यवतमाळ जिल्हा पोलिसांचा पुढाकाराणे महिलांच्या सुरक्षेसाठी ‘दामिनी पथक’ नविन स्वरुपात.महिलांची सुरक्षा, सन्मान व संरक्षणासाठी पोलीस दल सातत्याने कार्यरत असून सुरक्षा उपक्रमाला अधिक बळकटी देण्यासाठी आज दिनांक 02/01/2026 रोजी पोलीस मुख्यालय, यवतमाळ येथे ‘दामिनी पथक’च्या नव्या वाहनाचे लोकार्पण करण्यात आले.

या कार्यक्रमास प्रमुख अतिथी म्हणून आदिवासी विकास मंत्री अशोक उईके, नवनिर्वाचित नगराध्यक्ष ऍड. प्रियदर्शनी उईके यवतमाळ येथील महिला नगरसेविका यांनी श्रीफळ फोडून व वाहनाला हिरवे झेंडे दाखवून महिलांच्या सुरक्षेकरिता दामिनी पथक आधुनिक वाहनासह रवाना करण्यात आले. तसेच दामिनी पथक कार्यरत पोलीस अंमलदार यांना पोलीस विभागातर्फे दामिनी पथक जॅकेट वितरण करण्यात आले.

या प्रसंगी जिल्हा पोलीस अधीक्षक कुमार चिंता यांनी “महिलांची सुरक्षा ही पोलीस दलाची सर्वोच्च जबाबदारी असून ‘दामिनी पथका’मुळे महिलांना त्वरित मदत, जलद प्रतिसाद आणि प्रभावी कार्यवाही मिळणार आहे. महिलांच्या सुरक्षिततेसाठी पोलिस दल सदैव कटिबद्ध आहे.”महिलांवरील छेडछाड, अत्याचार, कौटुंबिक हिंसा तसेच महिलांच्या सुरक्षेशी संबंधित तक्रारींवर जलद प्रतिसाद देण्यासाठी हे ‘दामिनी पथक’ कार्यरत असून या नव्या अत्याधुनिक वाहनामुळे कार्यवाही अधिक सक्षम, वेगवान व प्रभावी होणार आहे.

शाळा-कॉलेज परिसर, बाजारपेठा, सार्वजनिक ठिकाणे, वाहतूक केंद्रे व गर्दीच्या भागात नियमित गस्त घालून महिलांमध्ये सुरक्षिततेची भावना बळकट करणे हा या पथकाचा प्रमुख उ‌द्देश आहे.महिलांची सुरक्षा ही पोलीस दलाची सर्वोच्च जबाबदारी असून ‘दामिनी पथका’मुळे महिलांना त्वरित मदत, जलद प्रतिसाद आणि प्रभावी कार्यवाही मिळणार आहे. महिलांसोबत कोणत्याही प्रकारचा छळ, अत्याचार अथवा संशयास्पद घटना घडल्यास त्वरित 112 हेल्पलाईन, पोलीस नियंत्रण कक्ष किंवा जवळच्या पोलीस ठाण्यात संपर्क साधावा, टवाळखोरी, छेडछाड, अश्लील हावभाव व सार्वजनिक ठिकाणी मुलींना त्रास देण्याच्या घटना अजिबात सहन केल्या जाणार नाहीत. अशा प्रकारची कृत्ये करणाऱ्यांवर कायदेशीर कारवाई करण्यात येईल. सर्व तरुणांनी जबाबदार नागरिक म्हणून वागावे, महिलांचा आदर राखावा असे आवाहन करण्यात आले.

पोलीस दला तर्फे ऑपरेशन प्रस्थान या उपक्रमाअंतर्गत पहिल्या टप्प्यामध्ये एकुण 07 नीवासी शीबीरामध्ये 1800 मुलींना व दुस-या टप्प्यामध्ये यवतमाळ मधील एकुण 12शाळा व महाविद्यालयातील एकुण 4448 विद्यार्थी आतापर्यंत असे एकुण 6248 विद्यार्थ्यांना मोफत कराटे प्रशिक्षण देण्यात आले. महाविद्विद्यालयांमधील 30000 विद्यार्थ्यांना मोफत कराटे प्रशिक्षण देणे तसेच सायबर सुरक्षा- इंटरनेटच्या वापरातील सभांव्य धोके, सोशल मिडियावर सुरक्षित वर्तन, ओळखीच्या व अनोळखी व्यक्तीकडून येणाऱ्या संदेशांची शहानिशा, पासवर्ड सुरक्षितता, आणि सायबर गुन्ह्यांपासून संरक्षण, नशामुक्त समाज मोहिम, नैतिकता व नीतिमत्ता, सामाजीक जबाबदारी याबाबद विद्यार्थ्यांना मोफत मार्गदर्शन दिले जाणार आहेत.

या प्रसंगी यवतमाळ जिल्हा पोलीस अधीक्षक कुमार चिंता, यवतमाळ येथील महिला नगरसेविका, पोलीस निरीक्षक दिपमाला भेंडे महिला सुरक्षा कक्ष, पोलीस निरीक्षक नंदकिशोर काळे पोलीस स्टेशन अवधूत वाडी, पोलीस निरीक्षक रामकृष्ण जाधव पोलीस स्टेशन यवतमाळ शहर, सहाय्यक पोलीस निरीक्षक रोहित चौधरी पोलीस स्टेशन लोहारा, आरपीआय चकाटे, एम. टी. ओ. ढवळे, पोलीस विभागाचे अधिकारी तसेच पोलीस कर्मचारी मोठ्या संख्येने उपस्थित होते.

टोलेबाज न्यूज :

वणी: शहरात मोठ्या प्रमाणात सरू असलेले अवैध धंदे तत्काळ बंद करणेबाबत व औद्यागिक कंपन्या तसेच कोळसा वारणींमध्ये स्थानिक युबकांना रोजगार देण्याबाबत. व वणी शहर व परिसरामध्ये विविध प्रकारचे अवैध व समाजविघातक धंदे अत्यंत बिनधास्तपणे सुरू आहेत, विशेषतः सुरगंधित तंबाख्ू विक्री, गांजा व ड्रग्स विक्री, सट्टापट्टी व्यवसाय तसेचे अवैध रेती तस्करी यांचा व्याप मो्ठया प्रमाणात वाढलेला आहे.

या अवैध धंद्यांमुळे अनेक कुटंब उद्ध्वस्त होत असून युवक व विद्यार्थी वर्ग चुकीच्या मार्गाकडे वळण्याचा गंभीर धोका निर्माण झाला आहे. तसेच सुगीधित तंबाखूच्या सेवनामुळे तोंडाचा, जीभेचा व अन्नलिकेचा कर्करोग होण्याचे प्रमाण झपाट्यान वाठत असून ही बाब अत्यंत चिंताजनक अहे.

तसेच वरणी परिसरातील औद्योगिक कंपन्या व कोळसा खणामध्य स्थानिक युवकांना डावलून बाहेरील कामगारांना प्राथान्य दिले जात असल्याचे निदर्शनास येत आहे. परिणामी स्थानिक बेरोजगार युवक रोजगाराच्या संधीपासून वंचित राहत असून सामाजिक असंतोष वाढत आहे. स्थानिक युवकांना प्राधान्याने रोजगार देण्यासाठी योग्य नियोजन व सक्तीची अंमलबजावणी करणे अत्यंत आवश्यक आहे. शिवसेना पक्ष व यु्ासेना यांच्या वतीने याबाबत यापूर्वीही संबंधित विभागांकड़े अनेक वेळा निवेदने सादर करण्यात आली आहेत, मात्र आद्याप कोणतीही ठोस कार्यवाही झालेली नाही.

त्यामुळे नागरिकांमध्य तीव्र नाराजी निर्माण झाली असून कायदा व सुव्यवस्थेवर गंभीर परिणाम होण्याची शक्यता नाकारता येत नाही. म्हणून आपणांस नम्र विनंती आहे की, वणी शहर व परिसरात सुरु असलेल्या सर्व प्रकारच्या अवैध धंद्यांवर तात्काळ बंद करून कठोर कारवाई करण्यात यावी. औद्योगिक कंपन्या व कोळसा खाणणीमध्ये स्थानिक युवकांना प्राधान्याने रोजगार देण्याबाबत स्पष्ट आदेश निर्गीमित करून सदरचे निवेदन युवा शिव सेना शिंदे गट प्रतीक गौरकर यांचे वतीने कार्यकर्तासह उपविभागीय पोलीस अधिकारी वणी यांना देण्यात आले.

टोलेबाज न्यूज :

वणी: वणी शहरात प्रथमचभव्य शेतकरी महाएल्गार मेळाव्याचे आयोजन 4 जानेवारी 2026 रोजी दुपारी 12 वाजता शासकीय मैदान वणी येथे भव्य शेतकरी एल्गार मेळाव्याचे आयोजन करण्यात आले आहे. या निमित्ताने दि.30 डिसेंबर रोजी दुपारी स्थानिक विश्रामगृह वणी येथे पत्रकार परिषद घेऊन माहिती देण्यात आली. मेळाव्यामुळे शेतकरी चळवळीला नवी दिशा मिळण्याची अपेक्षा व्यक्त होत आहे.वणी येथील काही उत्साही शेतकरी संघटना, किसान सभा व प्रहार संघटनेच्या नेत्यांनी एकत्र येवून महाएल्गार शेतकरी मेळाव्याचे आयोजन केले आहे.

महाराष्ट्रातीलदिग्गज नेत्यांना निमंत्रित करण्यात आले असून डबघाईस आलेल्या शेतीव्यवस्था व राजकारण याविषयावर अभ्यासपूर्ण चर्चा करून आंदोलनाची पुढची दिशा ठरविण्या बाबत पाऊल उचलण्यात येणार आहे. या मेळाव्याला माजी मंत्री बच्चूभाऊ कडू, नितीनकराळे, शेतकरी नेते वामनराव चटप, प्रकाश पोहरे, संपादक देशोन्नती डॉ. अजित नवले राजुभाऊ शेट्टी?. रविकांत तुपकर महादेव जानकर, रघुनाथ दादा पाटील राजन क्षीरसागर, अनिल घनवट यासह विविध सामाजिक व शेतकरी संघटनेचे प्रतिनिधी मोठ्यासंख्येने उपस्थित राहणार आहेत.

या मेळाव्याला मोठ्या संख्येने उपस्थित राहावे असे आवाहन आयोजक सतीश देरकर, अनिल घाटे, देवराव धांडे, दशरथ पाटील बोबडे, अनिल गोवारदिपे, प्रहार संघटनेचे मोबिन शेख, रघुवीर कारेकर सय्यद अहमद, यांनी केले.

•नवीन वर्षे आनंदात उत्साहात साजरा करा पण मद्यप्राशन करून वाहने चालवू नका पोलीस यंत्रणा सतर्क असून नियम तोडणाऱ्यावर कडक कारवाई केली जाईल! पोलीस अधीक्षक कुमार चिंता

टोलेबाज न्यूज :

वणी : पोलीस अधिक्षक कुमार चिंता यांनी जिल्ह्यातील सर्व प्रकारच्या गुन्ह्यातिल वार्षिक आढावाची माहिती 30 डिसेंबरला पत्रकार परिषदेत दिली.2024 साली सर्व प्रकारचे गुन्हयांचे प्रलंबित प्रमाण 23% होते सदरचे प्रमाण 2025 साली 7% वर आहे.

* शरिराविरुध्दच्या गुन्हयात मागील वर्ष 2024 चे तुलनेत 2025 मध्ये19.60 % घट झाली आहे.

* ऑपरेशन प्रस्थानच्या माध्यमातुन महिलांकरीता राबविण्यात आलेल्या उपक्रमांमुळे बलात्कार व विनयभंगा सारख्या गुन्हयात विशेष घट झालेली आहे.

* कम्युनिटी पोलीसींग, प्रभावी प्रतिबंधक कारवाई, तडीपार, एमपीडीए इ. कारवाईमुळे खुनाचा प्रयत्न व इतर दुखापतीचे गुन्हयांमध्ये लक्षनिय घट झालेली आहे.

* मालमत्तेच्या गुन्हयात मागील 2024 चे तुलनेत 2025 मध्ये 9% ने घट झाली आहे.

* फुटपॅट्रोलिंग, रात्रगस्त, मालमत्तेविरुध्दचे गुन्हेगारावर कारवाई इ. मुळे जबरी चोरी सारख्या Street Crime मध्ये 41 गुन्हयांनी तसेच चोरी, घरफोडी गुन्हयात लक्षनिय घट झ गालेली आहे.

* सायबर जनजागृती कार्यक्रमांमुळे फसवणुकीचे गुन्हयात घट झालेली आहे.

* मोक्का अंतर्गत कारवाई करुन 31 आरोपींविरुध्द प्रभारी प्रतिबंधक कारवाई करण्यात आलेली आहे.

* नविन फौजदारी कायदा भारतीय न्याय संहिता 2023 कलम 111 व 112 अंतर्गत संघटित गुन्हे करणा-या 4 टोळयांमधील 25 आरोपींवर कारवाई करण्यात आली आहे.

* सन 2025 मध्ये एमपीडीए अंतर्गत 27 प्रस्ताव तयार करण्यात आले आहे. तसेच मपोका कलम 55 अंतर्गत 2 टोळयातील 05 ईसम व कलम 56/57 अंतर्गत 41 ईसम असे 46 ईसम यांना जिल्हयातुन हददपार करण्यात आले आहे.

* अंमली पदार्थांच्या गुन्हयात 52 आरोपीविरुध्द प्रभावी कारवाई करुन 34 गुन्हयात गांजा व एमडी अंमली पदार्थ48,31,942 /- रुपयांचा मुददेमाल जप्त करण्यात आला.

* शस्त्र अधिनियमा अंतर्गत अवैध अग्निशस्त्रा संबंधाने 24 आरोपींविरुध्द कारवाई करुन 20 गुन्हे दाखल करण्यात आले. (25 अग्नीशस्त्र व 384 काडतुसे) तर अवैध शस्त्रासंबंधाने 147 ईसमांवर कारवाई करुन 137 गुन्हे दाखल केले.

* सन 2025 मध्ये अवैध गुटख्यामध्ये 55 आरोपींवर कारवाई करुन 38 गुन्हे दाखल करण्यात आले व 1,19,32,494/- रुपयांचा मुददेमाल जप्त करण्यात आला

* सन 2025 मध्ये अवैध वाळुमध्ये 281 आरोपींवर कारवाई करुन 205 गुन्हे दाखल करण्यात आले व 3,13,84,337/- रुपयांचा मुददेमाल जप्त करण्यात आला.

* सन 2024 अखेर 1076 हरविलेले महिला व पुरुष मिळुन येणे बाकी होते. सन 2025 मध्ये 1959 महिला व पुरुष हरविले आहे. असे एकुण 3035 महिला व पुरुषांपैकी सन 2025 मध्ये 2396 ईसमांचा शोध घेण्यात आला असुन 2025 अखेर मिळुन येणे बाकी असलेले महिला व पुरुष 639 इतके आहे.एकंदरीत मागील वर्षीच्या तुलनेत ऑपरेशन शोध मोहिम राबवुन हरविलेल्या महिला व पुरुषांचा मोठ्या प्रमाणात शोध घेण्यात आला आहे.

टोलेबाज न्युज :

•स्थानिक गुन्हे शाखे कडून घरफोडीतील 6 गुन्हे उघड

वणी:दि. 26 डेसिम्बर रोजी स्थागुशा. पथक यवतमाळ शहरात पेट्रोलोंग करीत असतांना गुप्त माहितीच्या आधारे प्रितेश ऊर्फ दादु संजय गेडाम वय 19 वर्ष, रा. अंबिका नगर, सुराणा ले आऊट, यवतमाळ व 2 विधीसंघर्षग्रस्त बालक हे घरफोडीतील सोने व चांदीचा मुद्देमाल विकण्याकरीता सोनार लाईन परिसरात फिरतअसल्याचे कळेल.

सदर माहिती वरिष्ठांना देऊन त्यांचे मार्गदर्शनात पथक हे सोनार लाईन येथेआरोपीचा शोध घेत असतांना सदर आरोपी हे शाम टॉकीज जवळ संशयास्पद आढळून आले त्यांना पो.स्टाफ च्या मदतीने ताब्यात घेऊन विचारपूस केली असता त्यांनी व त्यांचे इतर साथीदारांनी पो. स्टे लोहारा हद्दीतील शुभम कॉलनी,’ राधाकृष्ण नगरी तसेच पो.स्टे अवधुतवाडी हद्दीतील दांडेकर ले आऊट, स्वप्नील नगर, व सुभाष नगर बडगांव येथे चोरी केली असून त्या गुन्ह्यातील मुद्देमाल आम्ही विक्री करीता फिरत आहे अशी कबूली दिली.

गुन्ह्याची कबूली दिल्याने त्यांचे कडून करुन पिवळ्या धातुचे सोन्याचे दागिने एकुण वजन25.100 ग्रॅम, किंमत2,51,00/-, चांदी एकुण वजन280.400 ग्रॅम, किंमत58,884/- व गुन्हा करते वेळी वापरलेली पांढऱ्या रंगाची सुझुकी कंपनीची अॅक्सेस वाहन क्र. M. H. 29 BY 9301 किंमत50,000/- रुपये असा एकुण3,59,884/- रुपयांचा मुद्देमाल पंचासमक्ष जप्त करुन पो. स्टे लोहारा येथील 03 व पो.स्टे अवद्युतवाडी येथील 03 असे एकुण 06 गुन्हे उघड करण्यात आले. आरोपी व विधीसंघपंर्पग्रस्त बालक यांना ताब्यात घऊन पोलीस स्टेशन लोहारा येथे दाखल अप.क्र.451/2025 कलम305 (अ),331 (3),331 (4) भा.न्या.नं अन्वये नोंद करून पुढील तपास पो. स्टे लोहारा यांचे ताब्यात देण्यात आले.

हि कारवाई पोलीस अधीक्षक,, श्री. कुमार चिंता , अपर पोलीस अधीक्षक, अशोक थोरात,पोलीस निरीक्षक, स्थागुन्शा. सतिश चवरे यांचे मार्गदर्शनात सपोनि मनीष गावंडे, पोउपनि गजानन राजमलु सर्व स्थानिक गुन्हे शाखा यवतमाळ यांनी यशस्वीरीत्या पार पाडली.

टोलेबाज न्यूज :

वणी :यवतमाळ आर्णी रोडवर भारमल हार्डवेअर सिमेंटचे दुकानातून 25 डिसेंबरचा सकाळी 9 वाजता दरम्यान दुकान उघडत असताना काउंटरवर ठेवलेली 5,42,200 रूपयाची बॅग कोणीतरी चोरून नेली साबीर हुसेन कमरूदीन भारमल यांच्या लक्षात येताच लगेच अवधूतवाडी पो. स्टे. येथे जाऊन अज्ञात आरोपी विरुद्ध अप क्र. 1655/2025 कलम 303 (3) भान्यासं. 2023 नुसार गुन्हा नोंद करण्यात आला.

गुन्ह्याचे गांभीर्य लक्षात घेता पो. अधीक्षक कुमार चिंता व अप्पर पो. अधीक्षक अशोक थोरात यांचा आदेशानुसार उप विभागीय पो. अधि. दिनेश बैसाने यांचे मार्गदर्शनाखाली स्थानिक गुन्हे शाखा व पोलीस. स्टेशन अवधूतवाडी येथील विशेष तपास पथक तयार करून

तपास पथकाने तांत्रिक व गुप्त माहितीच्या आधारे तपास करून हि चोरी तळेगाव भारी येथील दिनेश भाऊराव मंडाले वय 32 वर्ष, ठेकेदार रा. तळेगाव भारी याने केली अशा माहितीवरून 25 डिसेंबरला ताब्यात घेऊन विचारले असता त्याने गुन्हा कबुल केला चोरीतील 5,42,200 रुपये व गुन्ह्यात वापरलेली मोटार सायकल, मोबाईल असा एकूण 6,32,200/- रुपयाचा मुद्देमाल जप्त करून पुढील तपास पो. स्टेशन अवधूतवाडी पो. उपनि. आकाश माळगे करीत आहे.

हि कार्यवाही पो. अधीक्षक कुमार चिंता, अप्पर पो. अधीक्षक अशोक थोरात,उप विभागीय पोअधि.दिनेश बैसाने, पोनि. सतीश चौरे स्थागुशा., पोनि. नंदकिशोर काळे पोस्टे. अवधूतवाडी, सपोनि. श्रीकांत जिंदमवार, पोउपनि. सुरज जगताप, स्थागुशा. पोउपनि. गजानन राजमल्लू यांच्या पथकाने पार पाडली.

टोलेबाज न्यूज :

वणी:यवतमाळ ज़िल्यात घरफोडीच्या प्रमाणात वाढ झाल्याने पोलीस अधीक्षक कुमार चिंता यांच्या आदेशाने स्थागुशा.पथक पांढरकवडा वणी यांनी पोलीस स्टेशन वणी हददीतील चोरीचे गुन्हयाबाबत 24 डिसेंबर रोजी पेट्रोलींग करीत असताना लालगुडा परीसरात दोन संशयित फिरत असताना आढळले.

ताब्यात घेऊन विचारले असता 1) सचिन सतोष नगराळे रा बोरगाव अहेरी ह.मु. भद्रावती 2) कार्तीक शंकर साळवे रा. घुटकाळा वार्ड नेहरु शाळा चंद्रपुर असे सांगून 08 गुन्ह्याची कबुली दिली पोलीस स्टेशन वणी येथिल 07 चोरीचे गुन्हे व पोलीस स्टेशन भद्रावती जि. चंद्रपुर येथिल 01 त्याचेवर जिल्हा चंद्रपुर, भद्रावती, राजुरा, घुग्गुस, गडचांदुर तसेच जिल्हा वर्धा, यवतमाळ येथे चोरीच्या गुन्हयाची नोंद आहे त्याचेकडुन चादीचे साहित्य, होमथेएटर, टीव्ही, माईक व नगदी असा एकुण 2,03,580/- रुपयाचा मुददेमाल हस्तगत करून पुढील तपासा करीता वणी पोलीसाच्या ताब्यात देण्यात आले.

हि कारवाई पोलीस अधिक्षक कुमार चिता, अप्पर पोलीस अधिक्षक अशोक थोरात, यांचे मार्गदर्शनात पोनी सतिश चवरे स्था.गु.शा. यवतमाळ, सपोनि दत्ता पेंडकर, पोलीस उपनिरीक्षक धनराज हाके, पोहवा/सुनिल खंडागळे, सुधिर पांडे, निलेश निमकर, सुधिर पिदुरकर, पोका/ सलमान शेख, रजनिकांत मडावी, चापोना सतिश फुके सर्व स्थानिक गुन्हे शाखा यवतमाळ यांनी यशस्वीरित्या पार पाडली.

टोलेबाज न्यूज :

अभय भाऊ गावंडे यांना टोलेबाज परिवारा तर्फे वाढदिवसाच्या हार्दिक शुभेच्छा.

टोलेबाज न्यूज :

वणी : 24 डिसेंबरला प्रभाग क्रमांक १०/११, वणी येथील टागोर चौकातील नगरपरिषदेच्या ट्यूबवेल कामाचे नारळ फोडून शुभारंभ करण्यात आला. नगरपरिषद निवडणुकीनंतरचे पहिल्या विकासकामाची सुरुवात व भूमिपूजनाचा अभिमानाचा क्षण जनतेचा साक्षीने उत्सहात पारपडला. जनतेने भाजपावर केलेल्या विश्वासाला भाजप कटिबद्ध असून निवडणुकीतील प्रत्येक शब्द प्रत्यक्ष कृतीत उतरवून पाणीपुरवठा, मूलभूत सुविधा आणि दर्जेदार विकासाला गती देण्यास भाजप कटिबद्ध राहील . ही केवळ सुरुवात असून वणीचा विकास हेच आमचे स्वप्न.

यावेळी माजी आमदार संजीवरेड्डी बोदकुलवार, नवनिर्वाचित नगराध्यक्ष विद्याताई आत्राम, भाजपा शहराध्यक्ष अॅड. निलेश चौधरी, प्रभाग १०/११ चे नगरसेवक व मनोज सरमुकदम, भाजपा कार्यकर्ते नागरिक मोठ्या संख्येने उपस्थित होते.

टोलेबाज न्यूज :

वणी: तालुक्यातील निळापूर रोड वरील वैभव कोटेक्स प्रा. लिमिटेड जिनिंग प्रेसिंग व ऑइल मिल फॅक्टरी मधील 5HP च्या मोटरी व भंगार 16 डिसेंबर ला चोरी झाल्याचे आढळून आले.

सविस्तर माहितीनुसार निळापूर रोड वरील वैभव कोटेक्स प्रा. लिमिटेड जिनिंग प्रेसिंग व ऑइल मिल फॅक्टरी येथील काम करणारा संदीप संतोष धांडे वय 32 रा. चिखलगाव ता. वणी याने कंपनीतील क्रॉम्पटन ग्रेवीस कंपनीच्या 5 HP च्या 13 मोटरी एकूण 39,000 रू. किमतीच्या व भंगार व काही स्पेअरपार्ट चोरी करून घेहून गेला अशा स्वप्नील सुनील भंडारी वय 37 रा. वणी यांचा फीर्यादी वरून 16 डिसेंबर 025 ला संदीप संतोष धांदे विरुद्ध अप क्र. 755/25 कलम 306 भा.न्या.स.नुसार गुन्हा दाखल करण्यात आला असून पुढील तपास वणी पोलीस करीत आहे.