• तान्हा पोळ्यात हरवला होता मोबाईल
टोलेबाज न्यूज वार्ता :
वणी : दिनांक २३/०८/२०२५ रोजी तान्हा पोळा सण असल्याने शासकीय मैदान वणी येथे बालगोपालांचा नंदीबैल सजावट कार्यक्रम आयोजीत करण्यात आला होता, सदर कार्यक्रमामध्ये वणी परिसरातील बरेचसे बालगोपालांनी त्यांचे नंदीबैल सजावट करून सहभागी झाले होते, सदर कार्यकम पाहण्याकरीता व बालगोपालांचे नंदीबैल पाहण्या करीता वणी परिसरातील बरेचसे लोक शासकीय मैदान वणी येथे जमले होते त्यापैकी सौ. राखी रामेश्वर कांबळे रा. पंचशील नगर वणी हे सुद्धा त्यांचे कुटुंबीयां सह शासकीय मैदान वणी येथे आले असता त्यांना मैदानामध्ये सायंकाळी ०६/३० वा. चे सुमारास ०१ बेवारस मोबाईल मिळुन आला होता. करीता त्यांनी सदरचा मोबाईल आपले ताब्यात ठेवुन बराच वेळ सदर ठिकाणी मोबाईल धारकाची प्रतिक्षा केली परंतु कोणतीही व्यक्ती सदर मोबाईल बाबत मालकी हक्क सांगण्याकरीता उपस्थित झाले नाहीत, करीता सदर महीला यांनी त्यांना मिळालेला मोबाईल हा मुळ मालकाला परत मिळावा या प्रामाणीक हेतुने सायंकाळी ०७/३० वा.चे सुमारास पोलीस स्टेशन वणी येथे स्टेशन डायरी कर्तव्यावर असलेले पो. हे कॉ विकास धडसे व ललीत नवघरे यांचेकडे सुपुर्द करून त्यांना सर्व हकीकत सांगीतली, परंतु सदरचा मोबाईल हा पॅटर्न लॉक असल्याने त्याचा पासवर्ड उघडणे शक्य नव्हते, तसेच सदर मोबाईल वर बराच कालावधी लोटुन सुद्धा कोणाचाही कॉल वगैरे आला नसल्याने सदरचा मोबाईल हा नेमका कोणाचा आहे याचा बोध लागुन येत नव्हता. शेवटी रात्री ०९/०० वा.चे सुमारास सदर मोबाईल वर सौ. पुजा संकेत मेश्राम रा. रंगनाथ नगर वणी यांचा फोन आला व त्यांनी सदरचा मोबाईल हा त्यांचा असल्याचे सांगुन मोबाईल बाबत पुरावे सादर केले व ते एका खाजगी रूग्णालया मध्ये कर्तव्यावर असुन मोबाईल मध्ये महत्वाचे कागदपत्रे व इतर महत्वाची माहीती असल्याचे नमुद केले.आज दिनांक २४/०८/२०२५ रोजी मिळुन आलेल्या मोबाईल धारक हे कर्तव्यावर असल्याने त्यांनी त्यांचे पती श्री संकेत नामदेव मेश्राम रा. रंगनाथ नगर वणी यांना पोलीस स्टेशन वणी येथे पाठविले त्यांचे कडुन सदर मोबाईल बाबत्त संपुर्ण शहानिशा करून सदरचा मिळुन आलेला मोबाईल सौ. राखी रामेश्वर कांबळे रा. पंचशील नगर वणी यांचे हस्ते श्री. संकेत नामदेव मेश्राम रा. रंगनाथ नगर वणी यांना सुपुर्त करण्यात आला आहे.सौ. राखी रामेश्वर कांबळे रा. पंचशील नगर वणी यांनी प्रामाणीक पणाचा परिचय देवुन समाजाप्रती असलेली आपुलकीची भावना जोपासुन कोणताही मोह न बाळगत्ता मिळुन आलेला मोबाईल पोलीस स्टेशन वणी येथे आणुन दिल्याने मुळ मोबाईल धारकाला परत करणे शक्य झाले आहे, तसेच मोबाईल धारकांना त्यांचा मोबाईल परत मिळाल्याने त्यांनी सौ.राखी रामेश्वर कांबळे रा. पंचशील नगर वणी यांचे आभार माणुन आपल्या संवदेना व्यक्त केल्या आहेत.
