•पोलिसात तक्रार, शेवाळकर परिसरातील घटना
टोलेबाज न्यूज वार्ता :
वणी : शहरात चोरीच्या घटना सतत घडत असून एका डीलरची रोकड अज्ञात चोरट्यांनी लांबवली.ही घटना २५ ऑगस्ट रोजी येथील प्रसिद्ध शेवाळकर परिसरात घडली.बंडू तुकाराम बानकर वय ५५, रा. गणेशपूर, छोरिया ले-आउट, वणी असं रोकड चोरीला गेलेल्या व्यक्तीचे नाव आहे. यांची दीड लाख रुपयांची रोकड अज्ञात चोरट्यांनी लंपास केली. याबाबत त्यांनी पोलिसात तक्रार नोंद केली आहे. प्राप्त माहितीनुसार दि. २५ ऑगस्ट रोजी बानकर हे मित्रासह एका बँके शाखेत गेले होते. तेथे त्यांनी १ लाख ५० हजार रुपयांची रोकड काढून आपल्या आयक्यूब इलेक्ट्रिक दुचाकीच्या डिक्की मध्ये ठेवली होती. दिवसभरात आपली कामे आटोपून सायंकाळच्या ३/४ वाजताच्या सुमारास राम शेवाळकर परिसरातील कार्यालयात गेले असता त्यांची बाहेर उभी ठेवून असलेल्या गाडीकडे नजर गेली, डिक्कीतील कागदपत्रे जमिनीवर अस्तव्यस्त आढळून आली. शंका आल्याने त्यांनी डिकी तपासली असता, रोकड नसल्याचे लक्षात आले.
