धक्कादायक…विहिरीत आढळून आला विवाहितेचा मृतदेह

• कुरई शेतशिवारातील घटना

टोलेबाज न्यूज वार्ता :

वणी : तालुक्यातील कुरई येथे एका विवाहित महिलेचा मृतदेह विहिरीत आढळून आल्याने एकच खळबळ उडाली आहे. सदर घटना ही शिरपूर पोलीस स्टेशन हद्दीत घडली.

अविता विजय परसुटकार (अंदाजे वय 33), असे मृतक महिलेचे नाव आहे.

नेहमीप्रमाणे दिनांक 27 ऑगस्टला सौ.अविता व तिचा पती विजय हे शेतकामाकरीता गेले होते, दुपारी अडीज वाजेच्या दरम्यान शेत विहीरीमध्ये तिचा मृतदेह आढळून आला. मृत्यूचे कारण अद्याप कळले नाही. सदर घटनेची माहिती शिरपूर पोलिसांना मिळताच पोलिस घटनास्थळी दाखलहोऊन घटनेचा पंचनामा केला. व मृतदेह उत्तरीयतपासणीसाठी ग्रामीण रुग्णालयात पाठविण्यात आला.

मृतकाच्या पाठीमागे पती, तिन मुली व सासु असा बराच आप्त परिवार आहे. या घटनेचा पुढील तपास शिरपूर पोलीस स्टेशनचे ठाणेदार ए पी आय शिंदे साहेब यांच्या मार्गदर्शनाखाली पोलीस करत आहे.