पोलीसांनी तरुणाला घेतलं ताब्यात, मात्र...
टोलेबाज न्यूज वार्ता :
वणी : वणी येथे भर दिवसा एका थार वाहणाची तोडफोड करण्यात आली. ही धक्कादायक घटना शनिवारी दुपार च्या सुमारास टिळक चौकात घडली असून एका तरुणाला ताब्यात घेण्यात आले. शहरातील मुख्य मार्ग असलेल्या टिळक चौकात एका तरुणाने चक्क! उभी असलेली थार कारची तोडफोड करून नुकसान केले. मात्र,पोलीस तपासातून तो तरुण मनोरुग्ण असल्याचे माहिती समोर आली. आज शनिवारी नागपूर येथील अभिषेक राजू ठोबळे हे न्यायालयीन कामासाठी आले असता टिळक चौक येथे त्यांनी कार उभी करून ठेवली होती. अशातच उभ्या असलेल्या कारच्या काचा फोडत करत असताना ये-जा करणाऱ्या नागरिकांनी थरार अनुभवला. या दरम्यान भीतीचे वातावरण निर्माण झाले होते. घटनेची माहिती मिळताच पोलीसांनी घटनास्थळी धाव घेतली. त्या तरुणाला ताब्यात घेतले. त्यानंतर पोलीस तपासात तो तरुण मनोरुग्ण असल्याचे समोर आले. मात्र, अशा घटना पुन्हा घडू नये,यासाठी प्रशासनाने नागरिकांच्या सुरक्षिततेसाठी उपाययोजना कराव्यात अशी अपेक्षा शहरवासियांकडून व्यक्त होत आहे.
