• महाप्रसादाची अखंड १७ वर्षांपासून ही परंपरा..
टोलेबाज न्यूज वार्ता :
वणी : श्रीक्षेत्र रांजणगाव गणपती देवस्थान ट्रस्टमध्ये दान दात्यांकडुन अखंडित अन्नदान सेवा सुरू आहे. वणी येथील दानशूर व्यक्तीमत्व विजयबाबु चोरडीया यांच्या वतीने दरवर्षी प्रमाणे यंदाही अन्न दान करण्यात आले. रांजणगाव हे पुणे जिल्ह्यात प्रसिद्ध गणपती मंदिर आहे हजारो गणेश भक्त या मंदिरात दर्शनासाठी येतात. अन्नछत्राची वेळ दररोज दुपारी १२ ते २ व रात्री ७:३० ते ९ अशी आहे. दिनांक ३० ऑगस्ट ला ऍड. कुणाल विजयबाबु चोरडीया यांच्या हस्ते अन्नदान करण्यात आले. यावेळी महाप्रसादाचा शेकडो भक्तांनी लाभ घेतला.विशेष म्हणजे गणेशोत्सवादरम्यान रांजणगाव गणपती देवस्थान ट्रस्टमध्ये महाप्रसादाची अखंड १७ वर्षांपासून ही परंपरा वडील विजय बाबू आणि मुलगा ऍड.कुणाल चोरडिया हे दोघेही दरवर्षी पुढे चालवत आहेत.यावर्षी कु. काजोल विजय चोरडिया, सौरभ राजुरकर, प्रतिक मेहता, पार्थ त्रिवेदी, अँड रुषभ शर्मा, तृन्मयी खाडे, कुणाल सुत्रावे , प्रमोद उरकुडे, संगीता संचोती , हर्शला बिंदेल, शिवम बिंदेल, कौस्तुभ देशपांडे, वेदिका बिंदेल यांनी सहकार्य केले.
