दुर्गा उत्सव शांततेत व आनंदात साजरा करण्याचं आवाहन
टोलेबाज न्यूज वार्ता :
वणी : सनासूदीच्या आणि धार्मिक उत्सवात खरी कसोटी असते ते पोलीस बांधवांचीच. बंदोबस्तासाठी त्यांना मुख्यालय सोडून कुठच्या कुठे सेवा देण्यास जावे लागते.
नुकत्याच पार पडलेल्या गणेशोत्सवात पोलिस बंधुनी चोख बंदोबस्त ठेवला व नागरिकांनीही उत्तम प्रतिसाद दिल्याने कुठल्याही अनुचित प्रकाराची नामुष्की ओढावली नाही.
गणेश उत्सवाप्रमाणे दुर्गा उत्सव शांततेत व आनंदाने साजरा करण्यासाठी, सर्वांनी आपापसात सलोखा राखून, सामाजिक सौहार्द जपत, एकमेकांच्या संस्कृतीचा आदर करून, तसेच प्रशासनाने घालून दिलेल्या नियमांचे पालन करून सहकार्याने उत्सव साजरा करावा. असें आवाहन कुमार चिंता, यवतमाळ पोलीस अधीक्षक यांनी केले आहे.
उत्सव साजरा करताना कोणालाही त्रास होणार नाही याची काळजी घेणे महत्त्वाचे आहे. तसेच यावेळी आदर्श दुर्गा उत्सव स्पर्धा आयोजित केली आहे. त्यात सर्वांनी सहभागी व्हावे असें देखील आपल्या संदेशात त्यांनी सांगितले आहे.
