फिर्यादीच्या तक्रारीवरून गुन्हे दाखल
वणी : आज दिनांक २६/०९/२०२५ रोज सकाळी सुमारे ६:१५ वाजताचे दरम्यान महाराष्ट्र राज्य परिवहन महामंडळाच्या वणी आगारातील बस क्रमांक MH 40 AQ 6062 ची बस शालेय विद्यार्थी आणण्यासाठी बोर्डा गावात जात असताना, विरकुंड ते बोर्डा या मार्गावर एका शेताजवळील रोडवर समोरून येणाऱ्या मोटरसायकल चालकाने त्याला अडथळा आणला.
बस चालकाने रस्ता दिला असता, मोटरसायकल चालकाने समोरून न जाता बस चालकावर फुकटची नौकरी लागल्याचा आरोप करत शिवीगाळ केली. त्यानंतर मोटरसायकल चालकाने बस चालकाचा कॉलर पकडून बस बाहेर काढण्याचा प्रयत्न केला. त्यावेळी बसचा वाहक संजय नान्ने मदतीला धावून आला असता, मोटरसायकल चालकाने लाकडी काठीने बस चालकाच्या उजव्या खांद्यावर मारहाण केली.
मोटरसायकल चालकाचा क्रमांक MH 29 BW 8150 असून, त्याचे नाव पायघन रा. बोर्डा असे असून त्याने शासकीय कामात अडथळा आणल्याची तक्रार फिर्यादीने पोलिस ठाण्यात दिली आहे.
फिर्यादी च्या जबानी तक्रारीवरून संबंधित युवकावर बीएनएस च्या कलम 132, 121 (1), 352 नुसार गुन्हा दाखल केला असून पुढील तपास वणी पोलीस स्टेशन चे सपोनि निलेश अपसुंदे करत आहे.
