वणी

न्यायव्यवस्थेवरील हल्ला म्हणजे संविधानावर हल्ला

आरोपीवर देशद्रोहाचा गुन्हा दाखल करण्याची निवेदनातून मागणी

​देशाचे सरन्यायाधीश मा. न्यायमूर्ती भूषण रामकृष्ण गवई यांच्यावर ६ ऑक्टोबर २०२५ रोजी सर्वोच्च न्यायालयात सुनावणीदरम्यान झालेल्या घृणास्पद हल्ल्याचा वंचित बहुजन आघाडी, तालुका मारेगावच्या वतीने तीव्र निषेध करण्यात आला.
या हल्ल्याला भारतीय संविधानावर आणि न्यायदानाच्या प्रक्रियेवर केलेला थेट हल्ला मानून, वंचित बहुजन आघाडीने आरोपीवर कठोर कायदेशीर कारवाई करून देशद्रोहाचा गुन्हा दाखल करण्याची मागणी निवेदणाद्वारे केली आहे.
​वंचित बहुजन आघाडीचे वणी विधानसभा प्रमुख राजू निमसटकर यांच्या नेतृत्वात मारेगाव येथील डॉ. बाबासाहेब आंबेडकर चौक येथून मोठ्या संख्येने कार्यकर्ते तहसील कार्यालयावर धडकले. बाबासाहेबांच्या पुतळ्याला अभिवादन केल्यानंतर, कार्यकर्त्यांच्या समूहाचे मोर्चात रूपांतर झाले.
​
​सर्वोच्च न्यायालयाच्या न्यायपीठावर खुद्द सरन्यायाधीशांच्या दिशेने जोडा फेकण्याचा प्रयत्न हा केवळ एका व्यक्तीवर केलेला हल्ला नाही, तर तो भारतीय लोकशाही संस्थांचा आणि मूल्यांचा अनादर आहे.
​वंचित बहुजन आघाडीने भारत सरकारकडे मागणी केली की, या घटनेतील आरोपी वकील राकेश किशोर याच्यावर केवळ निलंबनाची कारवाई न करता, कठोर कायदेशीर कार्यवाही लवकरात लवकर करावी.
​न्यायव्यवस्थेची प्रतिष्ठा जपण्यासाठी आणि भविष्यात अशा घटनांना पायबंद घालण्यासाठी, आरोपीवर देशद्रोहाचा गुन्हा दाखल करावा.
​न्यायव्यवस्थेच्या सर्वोच्च पदावरील व्यक्ती सुरक्षित नसतील, तर सामान्य नागरिकांचा न्यायव्यवस्थेवरील विश्वास डळमळू शकतो. त्यामुळे सरकारने तत्काळ लक्ष घालून, न्यायव्यवस्थेच्या सुरक्षिततेसाठी ठोस पाऊले उचलावीत असे स्पष्टपणे निवेदनात नमूद करण्यात आले आहे.

तहसीलदारांना निवेदन
​देण्यासाठी निघालेला मोर्चा तहसील कार्यालयावर पोहोचल्यावर, मारेगावचे तहसीलदार उत्तम निलावाड यांनी वंचित बहुजन आघाडीचे निवेदन स्वीकारले. यावेळी वणी विधानसभा मतदारसंघाचे आमदार संजय देरकर यांनाही मागणीचे निवेदन सादर करण्यात आले.
​मोर्चादरम्यान ‘भारतीय संविधान जिंदाबाद!’, ‘भारतीय लोकशाही जिंदाबाद!’, ‘भारत देश जिंदाबाद!’ परमपूज्य डॉ. बाबासाहेब आंबेडकर जिंदाबाद! अशा घोषणांनी संपूर्ण परिसर दणाणून गेला होता.
यावेळी ज्ञानेश्वर मुन, अनिल खैरे, अभिषा निमसटकर, यशोधरा लिहीतकर, अनंता खाडे, रवी तेलंग, रेखाताई काटकर, शोभाताई दारुंडे, विप्लव ताकसांडे, संजय जीवने, अमरनाथ तेलतुंबडे, गौतम ताकसाडे, धम्मपाल दारुंडे, वसूमित्र वनकर, विजय खाडे, प्राणशील पाटील, गंगाधर तेलंग, चिंतामण वेले, सलीम अहमद कुरेशी, अजय चंदनखेडे, बबन हस्ते, रवी वनकर, राजानंद गांजरे, रमेश चिकाटे, सुमित हस्ते, दीक्षा गजभिये, कामिनीबाई खैरे, निळावती मुन, लक्ष्मीकांत तेलंग, राजू पाटील, शेख दिलदार सेख शीकंदर, धीरज लोखंडे, धनराज मुन, विनेश मेश्राम, यशवंत भरणे, स्वाती दारुंडे, सुकेसनी लिहितकर, गौतम मालखेडे, अजबराव गजभिये, ईश्वर वानखेडे, दीपा तेलंग, ज्ञानेश्वर धोपटे, गौतम दारुडे, राहुल नंदुरकर, किरण लढे, कविता ताकसांडे, ताराबाई मेश्राम, पुष्पा ताकसाडे, वंदना रायपुरे, दीपा तेलंग, वंदना वासेकर, तात्याजी चिकाटे, सुनील वाघमारे, प्रफुल भगत, प्रवीण नरांजे, मनोज चंदनखेडे, गौतम कवाडे यांच्यासह वंचित बहुजन आघाडीच्या पदाधिकाऱ्यांची व कार्यकर्त्यांची तसेच पत्रकार बंधुची उपस्थिती होती.

•चोरट्यासह 78,000 हजार रुपयांचा मुद्देमाल जप्त.

टोलेबाज वार्ता पत्र : अभय गावंडे, यवतमाळ

वणी : मा. पोलीस अधीक्षक यवतमाळ श्री कुमार चिंता यांच्या आदेशाने जिल्ह्यात कोणत्याही प्रकारचे अवैद्य धंदे, अवैद्य शस्त्र पुरवठा,अउघड गुन्हे, आरोपी शोध मोहीम, अवैद्य धंद्याच्या मुळासकट नाश करण्याच्या अनुषंगाने स्थानिक गुन्हे शाखा यांना आदेश पारित करून पथकाला गोपनीय माहितीच्या आधारे कारवाई करण्याच्या सूचना दिल्या आहेत.

महागांव हद्दीतील करजखेड येथे पुलाचे काम सुरू असता पुलाच्या बांधकामाचे लोखंडी भीम चोरी झाल्याची तक्रार महागाव पोलीस स्टेशन येथे अप.क्रमांक497/2025 कलम303(2) भान्यास प्रमाणे गुन्हा दाखल आहे.

दि. 7ऑक्टोबर 2025 रोजी स्थानिक गुन्हे शाखेचे पथक पुसद व उमरखेड उपविभागात पेट्रोलिंग करीत असता पथकाला महागाव पोलीस स्टेशनच्या हद्दीत गोपनीय माहितीच्या आधरे करजखेड पुलाच्या बांधकावरील लोखंडी भीम चोरटे जनुना फाटा येथे असल्याची माहिती मिळाली . तसेच पथकाने ताबडतोब त्यांच्या मागावर जाऊन दोन्ही इसमास जणूना फाटा येथून स्प्लेंडर प्लस मोटरसायकलसह क्र.MH-29BU-3475 च्या ताब्यात घेतले .

पथकाने त्यांना कसून चौकशी केली असता त्यांनी गुन्हा कबूल करून पुलाच्या बांधकामावरील साहित्य आरोपी 1) विशाल दिलीप इंगोले 2) राम विठ्ठल दवणे 3) अक्षय उर्फ बदक्या दीपक खिल्लारे असे आम्ही तीनही मिळून मोटर सायकल क्र. MH29BU3475 ने पुलाचे लोखंडी बीम राजकुमार नरवाडे जुनूना यांच्या शेततळ्यात लपविल्याचे कबूल केले.

सदर चोरीचा माल पंचासमक्ष राजकुमार नरवाडे जुनूना यांच्या शेततळ्यातून बांधकामाचे 20 फूट लांबीचे 3 लोखंडी भीम अंदाजे कि. ₹18000 हजार व मोटर सायकल अंदाजे किं.₹60,000 हजारअसा एकूण ₹78,000 हजार रुपयाचा मुद्देमाल जप्त करण्यात आला.

सदरची कारवाई मा. पोलीस अधीक्षक यवतमाळ श्री कुमार चिंता, मा. अप्पर पोलीस अधीक्षक श्री अशोक थोरात, मा. विभागीय पोलीस अधिकारी श्री हनुमंत गायकवाड,स्थानिक गुन्हे शाखा पोलीस निरीक्षक सतीश चौरे,सपोनि धीरज बांडे, पोउनि शरद लोहोकरे, मुन्ना आडे, संतोष भोरगे, तेजाब रणखांब, सुभाष जाधव, कुणाल मुंडोकार, रमेश राठोड, सुनील पंडागळे, राजेश जाधव, चापोउपनि. रवींद्र श्रीरामे स्थानिक गुन्हे शाखा यवतमाळ यांच्या मार्गदर्शनात करण्यात आली. पुढील तपास महागाव पोलीस करीत आहे.

टोलेबाज वार्ता पत्र : रवि घुमे : मारेगाव

वणी : येथील घोंसा रोडवर रविवार ता.५ ऑक्टोबर च्या रात्री ८.२५ वाजताचे सुमारास सुनील उत्तमराव गेडाम (४५)हे घोंसा रोडवर त्यांचे घरासमोर एका मित्रासोबत बोलत असताना तिथे तुषार संजय पवार व त्याचे वडील संजय कन्हैया पवार यांच्यात वाद सुरू झाला.

वाद सुरु असताना फिर्यादी सुनीलने तुम्ही महिलांसमोर वाद का घालत आहात असा प्रश्न उपस्थित केला असता तुषार ने त्याला थापडबुक्याने मारहाण केली तसेच अश्लील व जातिवाचक शिवीगाळ केली अशी तक्रार फिर्यादीने पोलीस स्टेशन मारेगावला दिली. या घटनेने सुनील व सुनीलच्या परिवारामध्ये भीतीचे वातावरण निर्माण झाल्याचे तक्रारीत म्हटले आहे.

फिर्यादी सुनील गेडाम यांच्या तक्रारीवरून मारेगाव पोलिसांनी आरोपी तुषार संजय पवार आणि संजय कन्हैया पवार यांच्यावर अनुसूचित जाती व अनुसूचित जमाती अत्याचार प्रतिबंधक अधिनियम 1989 च्या कलम 3(1)(r), 3(1)(s), 3(2)(va) आणि भारतीय न्याय संहिता (बी एन एस)2023 चा कलम 115(2), 296 3(5), 351(2), 351(3) नुसार गुन्हा दाखल केला असून मारेगाव पोलीस पुढील तपास करत आहे.

टोलेबाज वार्ता पत्र :

वणी : शिवसेना पक्षप्रमुख, व उपमुख्यमंत्री माननीय एकनाथजी शिंदे साहेब यांच्या आदेशानुसार, तसेच यवतमाळ जिल्ह्याचे पालकमंत्री संजय भाऊ राठोड यांच्या मार्गदर्शनात यवतमाळ जिल्हा युवा सचिव पदी प्रतीक गौरकार यांची निवड करण्यात आली.

प्रतीक गौरकार यांची युवा नेतृत्वावर चांगल्या प्रकारे पकड असून ते वरिष्ठांच्या विश्वासावर खरे उतरणार असे युवा पिढी मध्ये बोलल्या जात आहे. गौरकार यांची यवतमाळ जिल्ह्यामध्ये मजबूत पकड आहे. ते सनातन रक्ष दल मध्ये जिल्हा प्रभारी असून त्यांच्याशी कट्टर हिंदुत्ववादी युवा मुलांची टीम आहे. त्यांच्या पाठोपाठ शेकडो मुलांनी शिवसेना शिंदे गटामध्ये प्रवेश करण्याचे बोलले जात आहे.

यावेळी उपस्थित पराग पिंगळे विदर्भ समन्वयक, हरिहर भाऊ लिंगनवार शिवसेना जिल्हा संपर्कप्रमुख राजुदास भाऊ जाधव जिल्हाप्रमुख शिवसेना, विशाल गणात्रा युवा सेना संपर्कप्रमुख, आकाश राठोड जिल्हाप्रमुख सुधाकर गोरे यवतमाळ जिल्हा सह संपर्कप्रमुख विनोद मोहितकर तसेच किशोर नांदेकर यांच्या नेतृत्वात ही निवड करण्यात आली.

टोलेबाज वार्ता पत्र :

वणी: आगामी नगरपालिका निवडणुकीसाठी वणी नगराध्यक्षपदाचे आरक्षण जाहीर झाले असून यंदा हे पद अनुसूचित जमाती (एस.टी.) महिला प्रवर्गासाठी राखीव ठेवण्यात आले आहे. या निर्णयामुळे अनेक दिग्गज आणि अपेक्षित उमेदवारांचा हिरमोड झाला आहे, तर दुसरीकडे योग्य उमेदवारांच्या शोधाला आता वेग आला आहे.

नगराध्यक्षपदाच्या आरक्षणाबाबतची अधिसूचना राज्य निवडणूक आयोगाने नुकतीच प्रसिद्ध केली. मागील कार्यकाळात हे पद सर्वसाधारण (महिला) प्रवर्गासाठी राखीव होते. यावेळी आरक्षण बदल झाल्याने राजकीय गणिते पूर्णपणे बदलली आहेत. स्थानिक पातळीवर सक्रिय असलेल्या अनेक नेत्यांना आता आपल्या उमेदवारीच्या शक्यता धूसर झाल्याचे जाणवू लागले आहे.

दरम्यान, विविध राजकीय पक्षांनी अनुसूचित जमाती प्रवर्गातील सक्षम, लोकप्रिय आणि कार्यकर्त्यांशी निगडित अशा उमेदवारांच्या शोधास सुरुवात केली आहे. पक्षांमध्ये यासाठी हालचाली सुरू असून, येत्या काही दिवसांत नावांची चर्चाही गती घेईल, अशी माहिती पक्षस्रोतांकडून मिळाली.

शहरातील मतदारसंघांमध्ये आरक्षणामुळे निर्माण झालेल्या नव्या राजकीय समीकरणांमुळे निवडणूक अधिक रंगतदार होण्याची शक्यता व्यक्त केली जात आहे. नागरिकांच्या अपेक्षा, स्थानिक प्रश्न आणि नव्या उमेदवारांची क्षमता यावरच यंदाच्या निवडणुकीचे भवितव्य ठरणार आहे.

• हैदराबाद गॅझेट सीपी आणि बेरार गॅझेट लागू करण्याची मागणी

टोलेबाज वार्ता पत्र :अभय गावंडे, यवतमाळ

यवतमाळ : यवतमाळ मध्ये दि. 6ओक्टोम्बर 2025ला बंजारा समाजाचा वतीने भव्य जनआक्रोश मोर्चा काढण्यात येत असून बंजारा आयोजक समितीचा वतीने बंजारा बांधवाना मोर्चामध्ये मोठया संख्याने सहभागी होण्याचे आवाहन कारण्यात आले आहे.
बंजारा जमातीची अनुसूचित जातीत समावेश करावा तसेंच हैदराबाद गॅजेट, सीपी आणि बेरार गॅजेट अश्या प्रकारच्या मागणीसाठी उद्या यवतमाळ मधेभव्य बंजारा जनआक्रोश मोर्चा काढण्यात येत असून मोर्चाचे आयोजन आर्णी बायपास वनवासी मारोती पासून ते आर्णी रोड, पोस्टल ग्राउंड नंतर ज़िल्हाधिकारी कार्यालय येथे धडकणार आहे.

पोलीस प्रशासनाचा वतीने जनतेच्या वाहूतुकीसाठी गैरसोय टाळण्याच्या दुस्टीने वाहणासाठी 11 वा.ते 2 वा.ह्या वेळेच्या दरम्यान जनतेस आर्णी रोड ऐवजी इतर मार्गाचा वापर करावा अशे आवाहन जिल्हा वाहतूक शाका यवतमाळ यांनी करण्यात आले आहे

युवा नेतृत्व शुभम गोरेंच्या आंदोलनाची पक्ष श्रेष्ठींने घेतली दखल..!

टोलेबाज वार्ता पत्र :

वणी : शिवसेना पक्षप्रमुख व उपमुख्यमंत्री एकनाथ शिंदे यांच्या आदेशानुसार तसेच यवतमाळ जिल्ह्याचे पालकमंत्री संजय राठोड यांच्या मार्गदर्शनात चंद्रपुर- आर्णी लोकसभा क्षेत्राच्या जिल्हा समन्वयक पदी युवा नेतृत्व शुभम गोरे यांची निवड करण्यात आली.

वणी विधानसभा क्षेत्रात रस्त्याचा प्रश्न असो विद्यार्थांची समस्या तसेच रुग्णालयातील सामान्य जनतेच्या कुठल्याही अडचणी युवा नेते शुभम गोरे यांनी कुठलीही पर्वा न् करता पुर्ण करण्याकरिता भर दिला. याच कार्याची पावती समज़ुन जिल्ह्याचे पालकमंत्री संजय राठोड यांच्या मार्गदर्शनात युवासेना जिल्हा सचिव पदी प्रतीक गौरकर व युवासेना वणी विधानसभा सचिव पदी सुमित केशवाणी यांची निवड करण्यात आली.

या वेळी उपस्थित पराग पिंगळे पश्चिम विदर्भ समन्वयक , हरिहर भाऊ लिंगनवार शिवसेना जिल्हा संपर्क प्रमुख राजूदास भाऊ जाधव जिल्हाप्रमुख शिवसेना , विशाल गणत्रा युवासेना संपर्क प्रमुख , आकाश राठोड जिल्हा प्रमुख , सुधाकर गोरे ,विनोद मोहितकर ,किशोर नांदेकर यांच्या नेतृत्वात ही निवड करण्यात आली आहे

•परिसरात अवैद्य दारू व्यवसाय फोपाल्याने गावकऱ्यात असंतोषाची लाट पसरली आहे.

टोलेबाज वार्ता पत्र :

वणी : हद्दीतील मारेगाव कोरंबी येथे दि. 04ऑक्टोबर 25 च्या सकाळी अंदाजे 8.30वाजता मोबाईलवर स्टेटस ठेवण्याच्या वादावरून घटना घडली. तक्रारीवरून प्रकाश रमेश घोसले वय 27वर्ष रा. मारेगाव कोरंबी त्याच्या सोबत यातील आरोपीतांनी संगणमत करुन फिर्यादीसोबत मोबाईल वर स्टेटस ठेवल्याच्या कारणावरुन वाद घालून शिवगाळ केली व जिवाने मारण्याची धमकी देवुन लाकडी दांडक्याने मारहाण केली व डाव्या डोळयाचे खाली मारहान करुन  गंभीर जखमी केले.

अशा फिर्यादीच्या जबानी रिपोर्ट वरुन आरोपी 1) गौरव महादेव मेश्रामवय 23 वर्ष 2) महादेव मेश्राम वय 55 वर्ष दोन्ही रा. मारेगाव कोरंबी यांच्यावर बीएनएस कलम 657/25 118 (1),125(a), 352,351(2)(3),3(5) कलम नुसार गुन्हा दाखल करून वणी पोलीस तपास करीत आहे.

मारेगाव कोरंबी परिसरात अवैद्य दारू व्यवसाय, दारू तस्करी मोठ्या प्रमाणात फोफावलेली असून राज्य उत्पादन शुल्क विभागाच्या चिरीमिरी धोरणामुळे अवैद्य धंदेवाले मुजोर झाले आहे अशा सततच्या भांडणामुळे महिला शाळकरी मुली व नागरिकांना नाहक त्रास सहन करावा लागत आहे अशाप्रकारे गावकऱ्यांनी रोष व्यक्त केला आहे.

टोलेबाज वार्ता पत्र : रवि घुमे, मारेगाव

वणी : मारेगाव हद्दीतील वनोजा देवी येथे 03ओक्टोम्बर 2025 च्या रात्री सुमारे 7 वा.   फिर्यादी अभिजीत दिनेश नगराळे वय 20 वर्ष रा.  पंचशील चौक वनोजा देवी हे अनिल झाडे यांचे पानठेल्यासमोर बसुन असताना यातील आरोपीतांनी संगणमत करुन जुन्या मजुरीच्या पैश्याच्या कारणावरुन वाद करुन हातातील कड्याने फिर्यादीचे डोक्यावर मारुन जखमी केले. तसेच फिर्यादीचा भाऊ व वडील यांना थापडाबुक्क्याने मारहान करुन शीविगाळ केली व जिवाने मारण्याची धमकी दिली. अशा फिर्यादीच्या जबानी रिपोर्ट वरुन आरोपी1) साहिल सुखदेव काळे वय 21 वर्ष 2) राकेश सुखदेव काळे  वय 27 वर्ष दोन्ही रा. वनोजा देवी तालुका मारेगाव यांच्यावर भान्यास कलम 314/25 कलम 118(1), 352,351(2),351(3), सदरचा गुन्हा दाखलं करण्यात आला पुढील तपास मारेगाव पोलीस करीत आहे.

•लाखोंच्या बक्षिसाची मनसेकडून स्पर्धकांना मेजवानी

टोलेबाज वार्ता पत्र:

वणी :महाराष्ट्र नवनिर्माण सेना, वणी विधानसभा मतदारसंघ आयोजित ‘भव्य मनसे गरबा महोत्सवा’चा बक्षीस वितरण सोहळा नुकताच मोठ्या उत्साहात आणि थाटात पार पडला. मनसे नेते राजू उंबरकर यांच्या संकल्पनेतून गेल्या अनेक वर्षांपासून या महोत्सवाचे आयोजन करण्यात येत आहे. गेल्या २० दिवसांपासून सुरू असलेल्या या महोत्सवाला मिळालेल्या अभूतपूर्व प्रतिसादाची सांगता बक्षीस वितरणाने झाली. १२ ते ३० या वयोगटात हर्षल इखारे याने प्रथम क्रमांक पटकावत दुचाकी गाडीचे भव्य बक्षीस जिंकले.

◾अंतिम फेरीत स्पर्धकांची ‘काटे की टक्कर’
गरबा महोत्सवाच्या अंतिम राऊंडमध्ये खरंच ‘काटे की टक्कर’ पाहायला मिळाली. शेवटचा दिवस असल्याने सर्व स्पर्धकांनी आपल्या सादरीकरणाची पातळी उंचावली होती. प्रत्येक सहभागीने अतिशय जोरदार सादरीकरण, पारंपरिक आणि आकर्षक वेशभूषा आणि अप्रतिम उत्साह दाखवत परीक्षकांना चकित केले. प्रत्येकजण विजेतेपदासाठी जीवाचे रान करत होता, ज्यामुळे सोहळ्याची रंगत अधिकच वाढली आणि अंतिम निकाल जाहीर होईपर्यंत मैदानातील उत्कंठा शिगेला पोहोचली होती.
विविध वयोगटातील विजेत्यांचा गौरव
मनसे नेते राजू उंबरकर यांची कन्या मुक्ता उंबरकर हिच्यासह इतर मान्यवरांच्या शुभहस्ते सर्व विजेत्यांना पारितोषिक देऊन त्यांचा यथोचित गौरव करण्यात आला. यावेळी मनसेचे पदाधिकारी, महाराष्ट्र सैनिक आणि परिसरातील नागरिक मोठ्या संख्येने उपस्थित होते.
या गरबा महोत्सवात एकूण तीन वयोगटात बक्षीस वितरण करण्यात आले, ज्यात मौल्यवान बक्षिसांची खैरात करण्यात आली.

▪️ विजेते स्पर्धक
५ ते ११ वयोगट: प्रथम पारितोषिक (सायकल): समन्विता ठाकरे, द्वितीय क्रमांक: अमायरा पेटकर,तृतीय क्रमांक: अरशिद जयस्वाल
१२ ते ३० वयोगट (या गटात एकूण दहा बक्षिसे देण्यात आली): प्रथम क्रमांक (दुचाकी गाडी): हर्षल इखारे द्वितीय क्रमांक (लॅपटॉप): रिशिका चव्हाण, तृतीय क्रमांक (फ्रिज): प्राची डुकरे,चतुर्थ क्रमांक (वॉशिंग मशीन): प्रतिक्षा बेलेकर पाचवा क्रमांक (एल.सी.डी): माही ठाकूर इतर ५ मौल्यवान बक्षिसे
३० आणि त्यावरील वयोगट: प्रथम पारितोषिक (सोन्याची नथ): सोनिया भादेकर, द्वितीय क्रमांक (ओव्हन): अर्चना मंदावार, तृतीय क्रमांक (ज्यूसर): प्रिया आवारी, व्याक्युम क्लिनर: मित्तल खोब्रागडे, पैठणी साडी: रश्मी कोसे यासोबतच अनेक स्पर्धकांना प्रोत्साहन बक्षिसे म्हणूनही मौल्यवान वस्तू देण्यात आल्या.
या महोत्सवाला मिळालेला प्रतिसाद अविस्मरणीय होता. आयोजकांनी हा भव्य महोत्सव यशस्वी करण्यासाठी प्रत्यक्ष आणि अप्रत्यक्षपणे सहकार्य करणाऱ्या सर्व सहकारी, हितचिंतक आणि स्पर्धकांचे मनःपूर्वक आभार व्यक्त केले. प्रशिक्षक म्हणून जतिन राऊत, वैभव पुराणकर, जयशंकर खुराणा, राणी हांडे तर स्पर्धेचे परीक्षक म्हणून मनिषा बुरांडे व खुशबू वैरागडे यांनी महत्त्वाची भूमिका पार पाडली.
बक्षीस वितरण सोहळ्याला मनसे महिला सेनेच्या राज्य उपाध्यक्ष अलका टेकाम, मनसे वाहतूक सेनेचे राज्य उपाध्यक्ष इरशाद खान, माजी आरोग्य सभापती धनंजय त्रिंबके, रुग्ण सेवा केंद्र अध्यक्ष अनिस सलाट, शेतकरी सेना जिल्हाध्यक्ष रमेश पेचे, महिला जिल्हाध्यक्ष अर्चना बोदाडकर, गरबा महोत्सव अध्यक्ष साहिल सलाट, शहराध्यक्ष अंकुश बोढे, राकेश वैद्य, गोविंदराव थेरे, विलन बोदाडकर, परशुराम खंडाळकर, लक्की सोमकुंवर, रोहन उंबरकर, मयुर गेडाम, मयुर घाटोळे, शंकर पिंपळकर, गौरव पुराणकर, संस्कार तेलतुंबडे, हिरा गोहोकार, योगेश तुराणकर, योगेश ताडम, तालिब खान, सचिन कुडमेथे, कृष्णा नीमसटकर, कृष्णा कुकडेजा, संदीप ठोंबरे आदी मान्यवर उपस्थित होते.