वणी

•वणीच्या ग्रामीण भागाचे भविष्य अंधारात
चिरीमिरीने ‘हात धुणाऱ्यां’मुळे माता-भगिनी त्रस्त;

दारू बंदी विभागाची ‘अर्थपूर्ण’ चुप्पी…

टोलेबाज वार्ता पत्र :

वणी : तालुक्यातील ग्रामीण भागात सुरू असलेल्या अवैध दारूच्या महापुरामुळे केवळ सामाजिक स्वास्थच नाही, तर अनेक गरीब कुटुंबांचे भविष्य अंधकारमय होत आहे. सकाळी सूर्य उगवण्यापूर्वीच दारूची विक्री सुरू होते आणि याच राजरोस विक्रीमुळे अनेकांचे संसार रस्त्यावर आले आहेत. दारू बंदी विभागातील अधिकारी आणि कर्मचारी या गंभीर परिस्थितीला ‘चिरीमिरी’च्या बदल्यात जाणूनबुजून डोळेझाक करत असल्याने, नागरिकांचा प्रशासनावरील विश्वास उडत चालला आहे.
महिला आणि विद्यार्थ्यांच्या सुरक्षिततेचा प्रश्न ऐरणीवर
गाव-खेड्यांमध्ये गल्ली-बोळात आणि शाळा-मंदिरांच्या आसपासही दारूचे गुत्ते सुरू झाले आहेत. याचा सर्वात मोठा फटका महिला आणि शालेय विद्यार्थ्यांना बसत आहे.
दारू पिऊन सार्वजनिक ठिकाणी गोंधळ घालणारे आणि अश्लील वर्तन करणारे तळीराम महिलांच्या सन्मानाला आणि सुरक्षिततेला धोका पोहोचवत आहेत. अनेक महिलांनी याबाबत तक्रारी केल्या, पण ‘अर्थपूर्ण’ व्यवहारामुळे कारवाई होत नाही.
विद्यार्थ्यांना शाळेत जाताना किंवा सार्वजनिक ठिकाणी फिरताना हे विकृत दृश्ये पाहावी लागतात, ज्यामुळे त्यांच्या मानसिकतेवर वाईट परिणाम होत आहे. व्यसनाधीनतेचा हा विळखा भावी पिढीला ग्रासत आहे.
दारू बंदी विभागाचे ढिसाळ धोरण आणि भ्रष्टाचाराची चर्चा
पोलिस दलाकडून क्वचित प्रसंगी कारवाई केली जाते, परंतु अवैध दारू विक्री रोखण्याची मुख्य जबाबदारी असलेल्या राज्य उत्पादन शुल्क (दारू बंदी) विभागाची भूमिका अत्यंत संशयास्पद आहे.
यात मोठी कारवाई केल्याचा केवळ देखावा केला जातो, पण अवैध विक्रेत्यांचे मुख्य ‘नेटवर्क’ मोडून काढले जात नाही.अवैध दारू विक्रेत्यांकडून नियमितपणे ‘हप्ता’ घेऊन त्यांना अभय दिले जाते. त्यामुळे विक्रेत्यांची मुजोरी वाढली असून, ते उघडपणे ‘आम्हाला कोणी हात लावू शकत नाही’ अशी भाषा वापरतात. विशेषतः ग्रामीण भागाची जबाबदारी असलेले अधिकारी स्थानिक बार चालकांकडून महिन्याकाठी २ ते ३ हजार रुपये इतकी रक्कम अवैधपणे वसूल करत असल्याची चर्चा आहे. या मासिक वसुलीमुळे या अवैध धंद्यांना अधिकाऱ्यांकडून थेट अभय मिळत असल्याचे बोलले जाते.
वारंवार तक्रारी करूनही उच्च पदस्थ अधिकारी याकडे गांभीर्याने लक्ष देत नाहीत, त्यामुळे खालच्या स्तरावरील कर्मचाऱ्यांचे भ्रष्टाचार करण्याचे धाडस वाढले आहे.
▪️जिल्हा प्रशासनाची कसोटी
वणीतील अवैध दारू विक्री केवळ एक कायदा-सुव्यवस्थेची समस्या राहिली नाही, तर ती सामाजिक दुर्घटनेकडे वाटचाल करत आहे. जिल्हाधिकारी आणि पोलिस अधीक्षकांनी या प्रकरणाची ‘गंभीर दखल’ घेऊन केवळ विक्रेत्यांवर नव्हे, तर कर्तव्य पार न पाडणाऱ्या दारू बंदी विभागाच्या भ्रष्ट अधिकाऱ्यांवरही मोठी कारवाई करावी, अशी मागणी जोर धरत आहे. भ्रष्ट अधिकाऱ्यांना तत्काळ निलंबित करून ‘क्लीन स्वीप’ मोहीम राबवल्यास, वणीच्या ग्रामीण भागाला दारूच्या या विषारी विळख्यातून मुक्त करणे शक्य होईल.
जनतेच्या मूलभूत अधिकारांचे रक्षण करण्यासाठी प्रशासन ठोस पाऊल उचलणार की ‘चिरीमिरी’पुढे नमणार, हे पाहणे महत्त्वाचे ठरणार आहे.

• मारेगाव तालुक्यात पहिल्यांदाच भाषेत परिवर्तन
• शासनाचा अभिनव उपक्रम

टोलेबाज वार्ता पत्र : रवि घुमे : मारेगाव

कोलामी ही कोलाम या आदिवासी समूहाची अलिखित बोलीभाषा आहे.कोलाम समूहातील दुर्गम भागात (पोड) रहिवाशी असलेल्या आबाल थोरांना मराठी भाषा पाहिजे त्या प्रमाणात अवगत नाही किंबहुना असेल तरी त्यांना बोलने, समजण्यासाठी अवघड होते.शासन प्रशासनात कोलामी भाषेला नगण्य महत्व असतांना या कोलाम समाजाच्या मुख्य भाषेवरून अनेक अडचणींचा समाजाला सामना करावा लागतो आहे. मात्र यात कमालीचे परिवर्तन करून मारेगाव येथील एकात्मिक बाल विकास प्रकल्पा अंतर्गत घेण्यात आलेल्या मुलाखतीत पेसा अंतर्गत व कोलाम समाजाच्या उमेदवारांना सुलभता निर्माण करण्यासाठी थेट कोलाम समाजाच्या बोलीभाषेत मुलाखती घेण्यात आल्या. बहुदा तालुक्यात पहिल्यांदाच बोलीभाषेचा डंका प्रशासनात गुंजल्याने कोलाम समाजात समाधान व्यक्त होत आहे.

दिनांक ३० सप्टेंबर २०२५ रोज मंगळवार ला बालविकास प्रकल्प कार्यालय मारेगाव येथे मारेगाव तालुका अंतर्गत येणाऱ्या मौजा पेंढरी, खंडणी (गावपोड), म्हैसदोडका गावपोड, हिवरी गावपोड येथील अंगणवाडी सेविका व मदतनीस यांच्या रिक्त पदासाठी कोलामी बोलीभाषेत मुलाखती घेण्यात आल्या.

ज्या पोडात, वस्तीत, तांड्यात ५०% पेक्षा अधिक एकाच जमातीचे मुलं असतील , त्या पोडात, वस्तीत, किंवा तांड्यात जी भाषा बोलणारे मुलं अधिक असतील ती भाषा अवगत असणाऱ्या उमेदवाराला नियुक्ती देण्यासाठी शासनाने हा नावीन्यपूर्ण उपक्रम राबविला. मुलांच्या सर्वांगीण विकासासाठी मुलांसोबत संवाद साधण्यासाठी उमेदवाराला त्यांची भाषा (बोली) अवगत असणे गरजेचे आहे. या नावीन्यपूर्ण निर्णयामुळे निश्चितच ग्रामीण भागातील (कोलाम पोडातील) मुले शिक्षणाच्या प्रवाहात येतील आणि त्यांचा शैक्षणिक दर्जा उंचावेल असा आशावाद व्यक्त होत आहे.

मुलाखती करिता कोलामी बोली तज्ञ म्हणून तालुक्यातील शिक्षक
पैकुजी आत्राम, वासुदेव टेकाम, सुरेश आत्राम यांची नियुक्ती करण्यात आली होती. मुलाखती देण्याकरिता १५ अंगणवाडी सेविका आणि १५ मदतनीस सहभागी होत्या.

टोलेबाज वार्ता पत्र :अभय गावंडे, यवतमाळ

यवतमाळ पोलीस दलातफे एकुण १४ गुन्हयातील ५३७.७७९ किलो ग्रॅम (गांजा) अंमली पदार्थाचा करण्यात आला नाश. विशेष पोलीस महानिरीक्षक, अमली पदार्थ विरोधी टास्क फोर्स महाराष्ट्र राज्य, मुंबई यांचेकड़ील पत्रानुसार एन. डी. पी. एस कायद्यान्वये दाखल गुन्हयातील अंमली पदार्र्थ नाश करणे करीता विशेष मोहिम राबविणेबाबत आदेशीत केले होते,

यवतमाळ जिल्हयातील विविध पोलीस स्टेशन अंतर्गत दाखल गुन्हयातील जप्त (गांजा) अंमली पदार्थ नाश बाबतचे एकुण 14 गुन्हयांमध्ये मा. न्यायालयाचे अंतिम आदेश झाले होते. त्याअनुषंगाने सर्व कारयदेशिर प्रक्रिया पार पाडुन महाराष्ट्र प्रदुपण नियंत्रण मंडळ यांची परवांगीने दिनांक 01/10/2025 रोजी M/s Mahaashtra Enviro power Limited, Plot No CHW-01 MIDC Butibori, District Nagpur येथे 14 गुन्ह्यातील एकुण एकत्रीत वजन 537.79 किलो ग्राम (गांजा) अंमली पदार्थ DRUG DIPOSAL COMMITTEE यांचेकड्न पंचासमक्ष नाश/ भस्मीकरण करण्यात आला आहे.

दरवर्षी 26 जुन हा दिवस जागतीक अंमली पदार्थ विरोधी दिन म्हणुून पाळला जातो. नशेमध्ये अडकलेल्या एखादयाच्या शारिरीक आणि माणसिक आरोग्यावर कसे दुष्परिणाम होतात व एखादया व्यक्तीचे संपूर्ण आयुष्य कसे बिघड़ु शकते, अशा नशेत आहारी गेलेल्या लोकांचे जिवन वाचवणे, प्रत्येक व्यक्ती, मुले, मुली यांच्या मध्ये जागरुकता करणे हा या दिवाचा मुळ उद्देश आहे. सदरची कारवाई ही DRUG DPOSAL coMMITTEE चे अध्यक्ष मा. पोलीस अधीक्षक, यवतमाळ श्री, कुमार चिता, सदस्य अपर पोलीस अधीक्षक श्री, अशोक थोरात, सदस्य प्र. पोलीस उपअधीक्षक श्री. सुनिल हुड यांचे माग्गदर्शनात पो.नि. श्री. सतिश चवरे, स्था.गु.शा. यवतमाळ, वाचक स.प्पे.नि. श्री. मनिष गावंडे व अंमली पदार्थ विरोधी कक्षातील अंमलदार यांनी यशस्वीरित्या पार पाडली आहे.

टोलेबाज वार्ता पत्र :अभय गावंडे, यवतमाळ

उमरखेड शहर व परिसरात झालेल्या घरफोड्यांच्या मालिकेचा अखेर उलगडा करण्यात पोलिसांना यश आले आहे. पोलिसांच्या डिटेक्शन बेंच (डीबी) च्या कसून तपासातून दोन घरफोड्या करणाच्या आरोपींना अटक करण्यात आली असून त्यांच्या कडून सोन्या-चांदीचे दागिने, रोख रक्कम व मोबाईल असा एकूण २ लाख ८३ हजार २६० रुपयांचा मू्देमाल जप्त करण्यात आला आहे.

फियादी सौ. रेखा दत्ता खरुसकर (रा. महात्मा फुर्ले वार्ड, उमरखेड) यांच्या घरात १० जुले रोजी मध्यरात्री चोरट्यांनी प्रवेश करून १० हजार रुपये व ६ ग्रेमचे सोन्याचे मंगळसूत्र चोरी केले होते, या प्रकरणी उमरखेड पोलीस ठाण्यात गुन्हा दाखल करण्यात आला होता. तपासादरम्यान सीसीटीव्ही फुटेज, मोबाईल तपासणी व सायबर सेलच्या तांत्रिक विश्लेषणातून पोलिसांना आरोपींचा माग काढता आला. या प्रकरणात अर्जुन उत्तम कनकापुरे (३२, रा. ब्राम्हणगाव, ता. उमरखेड) यास अटक करण्यात आली. चौकशीत त्याने चोरीचा मोबाईल व दागिने साथीदार अरिहंत उर्फ संतोष दत्तात्रय कस्तुरे (४२, रा. ब्राम्हणगाव, ता. उमरखेड) याला दिल्याचे सांगितले. त्यालाही ताब्यात घेऊन चौकशी केली असता उमरखेड पोलीस ठाण्याच्या हद्दीत एकूण चार घरफोड्यांचे गुन्हे केल्याचे कबूल केले. त्यातून ९ मोबाईल, सोन्या-चांदीचे दागिने व रोख रक्कम असा २.८३ लाखांचा मुद्देमाल हस्तगत करण्यात आला.

ही यशस्वी कारवाई यवतमाळचे पोलीस अधीक्षक मा.कुमार चिंता, अप्पर अधीक्षक अशोक थोरात, उपविभागीय पोलीस अधिकारी हनुमान गायकवाड, पोलीस निरीक्षक शंकर पांचाळ, पोलीस निरीक्षक यशोथरा मुनेश्वर तसेच सायबर सेल यवतमाळ यांच्या मार्गदर्शनाखाली करण्यात आली. या मोहिमेत डिबी प्रमुख पोउपनि सागर इंगळे, पोहेका मधुकर पवार, पोशि संघशील टेंभरे, चालक पोशि सुनिल ढोंबरे, पोशि महारुद्र, डिबी टिम पो.स्टे. उमरखेड यांनी योगदान दिले. तसेच सायबर सेल यवतमाळचे मपोशि पुजा भारस्कर, पोशि सचिन देवकर यांनी महत्वाची भूमिका बजावली.सदर गुन्ह्माचा पुढील तपास पोउपनि सागर इंगळे, पोलीस स्टेशन उमरखेड करीत आहेत.

•तालुका प्रमुख विशाल किन्हेकर यांचा वाढता आलेख

टोलेबाज वार्ता पत्र : रवि घुमे : मारेगाव

हिंदूहृदय सम्राट शिवसेनाप्रमुख बाळासाहेब ठाकरे यांचे विचार व यांच्या विचारांशी एकनिष्ठ असलेले पक्षाचे मुख्य नेते व उपमुख्यमंत्री एकनाथ शिंदे यांच्या आदेशाने दि.२८ सप्टेंबर रविवारला जिल्ह्याचे पालकमंत्री तथा मृद व जलसंधारण मंत्री संजय राठोड यांच्या अध्यक्षतेखाली शिवसेना शिंदे गटाचे उपशहरप्रमुख व शहर विभाग प्रमुख पदग्रहण सोहळा पदग्रहण सोहळा यवतमाळ येथील समर्थ हाँटेल आर्णी रोड येथे मंचावर पश्चिम विदर्भ समन्वयक पराग पिंगळे, शिवसेना जिल्हा संपर्कप्रमुख हरिहर लिंगणवार, शिवसेना जिल्हा संपर्कप्रमुख श्रिधर मोहड, शिवसेना जिल्हा संपर्कप्रमुख गजानन डोमाळे, जिल्हा शिवसेना संपर्कप्रमुख राजूदास जाधव, जिल्हा शिवसेना संपर्कप्रमुख यशवंत पवार व शिवसेना उपनेते माजी आमदार अमरावती व शिवसेना जिल्हा निरीक्षक यवतमाळ ज्ञानेश्वर धाणे पाटील यांच्या उपस्थितीत घेण्यात आला .

सदर कार्यक्रमात मारेगाव शहरासाठी शहर उपप्रमुख व शहर विभाग प्रमुख यांची तालुका प्रमुख विशाल किन्हेकर व मारेगाव शहर प्रमुख विजय मेश्राम यांच्या सान्निध्यात निवड करण्यात आली असून प्रविण साईबाबा बोबडे यांची १ ते ९ प्रभाग क्रमांक साठी उपशहर प्रमुख तर गणपत चोखाजी वाढई यांची १० ते १७ प्रभाग क्रमांक साठी मारेगाव उपशहरप्रमुख पदी निवड करण्यात आली असून विभाग प्रमुख म्हणून १,२,३,४ या प्रभाग करिता मोहन दौलत किन्हेकार ५,६,७,८ या प्रभाग क्रमांक करिता विठ्ठल नानाजी गेडाम प्रभाग क्रमांक९,१०,११,१२ करिता उमेश उत्तम उलमाले व १३,१४,१५,१६ व १७ प्रभाग क्रमांक करिता आनंद पद्माकर नक्षणे यांची निवड करण्यात आली आहे. या निवडी शहरात किंवा बुथ वर पक्ष संघटन वाढविण्यासाठी करण्यात आली असून यांचा पदाचा काळ हा एक वर्षासाठी असून यांच्या कार्यकाळातील कार्य पाहून पक्षश्रेष्ठी पुढील पदोन्नतीसाठी विचार करणार आहे.

   या निवडी बद्दल सर्व शिवसेना शिंदे गटाचे नेते, पदाधिकारी,व कार्यकर्ते यांनी निवड झालेल्या पदाधिकाऱ्यांना पुढील वाटचालीसाठी शुभेच्छा दिल्या आहे.

•यवतमाळ पोलिसांकडून पूरग्रस्तांना 27,11,111 रु मुख्यमंत्री सहाय्यता निधी चा धनादेश

टोलेबाज वार्ता पत्र : अभय गावंडे, यवतमाळ

यवतमाळ : जिल्हा पोलीस विभागाकडून ऑपेरेशन प्रस्थान हा कार्यक्रम राबविला गेला. यामध्ये महिला सक्षमीकरण, आत्मसुरक्षा कारणास्तव महिलांना कराटे प्रशिक्षण, आदर्श दुर्गा उत्सव स्पर्धा राबविण्यात आल्या.

त्याचे सादरीकरण प्रत्यक्ष पाहिल्या नंतर मुख्यमंत्र्यांनी यवतमाळ पोलिसांचे कौतुक केले सोबतच अतिवृष्टीने ओढवलेली पूर परिस्थिती ज्यामध्ये राज्यासह जिल्ह्यात शेतकऱ्यांची झालेली पीक नासाडी, घरादाराचे, नुकसान यामुळे उध्वस्थ झालेले कुटुंब यानुसार सामाजिक बांधिलकी जपत त्यांना मदत करणेकरिता.

यवतमाळ जिल्हा पोलीस अधीक्षक श्री. कुमार चिंता यांनी पोलीस विभागात कार्यरत पोलिस अधिकारी, पोलीस अंमलदार यांना ता. 27/09/25 ला पोलिस निधी गोळा करणे करिता आव्हाण केले व अवघ्या 24 तासात यवतमाळ जिल्हा पोलीस विभागाने 27, 11,111 रु.सत्तावीस लाख अकरा हजार एकशे अकरा रु.जमा केले व पूरग्रसतांच्या मदतीला हातभार लावत मुख्यमंत्री सहाय्यता निधी म्हणून 27,11,111 रु चा धनादेश मुख्यमंत्री देवेंद्र फडणवीस यांचे कडे सुपूर्द केला.

टोलेबाज वार्ता पत्र:

वणी : दि. 29 सप्टेंबर सोमवार दुपारी 2 वाजेच्या सुमारास ब्राह्मणी फाटा घुगुस हायवे लगत शिव मंदिराच्या मागे एका अज्ञात इसमाचा कुजलेल्या अवस्थेत मृतदेह आढळून आला. घटना अंदाजे चार-पाच दिवस आधी झाल्याचे कळते,

पोलिसांनी घटनास्थळाची पाहणी करून शव उत्तरीय तपासणीसाठी वणी ग्रामीण रुग्णालयात पाठवण्यात आले असून मृत्यूचे नेमके कारण हत्या की आत्महत्या अजून कळले नाही. शव उत्तरीय तपासणीनंतर स्पष्ट होईल या प्रकरणाचा अधिक तपास वणी चे ठाणेदार गोपाल उंबरकर यांच्या मार्गदर्शनात सुरू आहे.

टोलेबाज वार्ता पत्र :रवि घुमे.

वणी: वणी येथील जगद आई म्हणजे जैताई मंदिरात परंपरेनुसार सुरु असलेल्या चार दिवशीय कीर्तन सेवेपैकी तिसऱ्या दिवशी ते, “हेची थोर भक्ती आवडते देवा | संकल्पावी माया संसाराची || या संतश्रेष्ठ जगद्गुरू तुकाराम महाराज यांच्या अभंगावर निरूपण करीत होते.

आपले प्रत्येक कार्य करतांना मी जे करीत आहे ते भगवंताला आवडायला हवे, असं नव्हे. खरे तर जे भगवंताला आवडते तेच कार्य मी करायला हवे. भगवंताला आवडणाऱ्या कार्याचा सेट-अप बिघडला तर माणूस अप-सेट होतो.म्हणून मानवाच्या हातून भगवंताला आवडणारेच कार्य घडायला पाहिजे. संतांनी मानवाला उपदेश करताना कधीही कंटाळा केला नाही. उलट त्याचा उद्धार होईपर्यंत त्याचा पाठपुरावा केला, कारण समोरच्या जीवाची माया दूर करणे हेच त्यांचे कार्य होते आणि अशी माया सुटणे यालाच थोर भक्ती म्हणतात.” असे विचार पुणे येथील सुप्रसिद्ध कीर्तनकार ह.भ.प. श्रेयस महाराज बडवे यांनी व्यक्त केले.

      जीवनामध्ये भगवंताला शरण जाणे हा सगळ्यात सोपा मार्ग आहे. परंतु शरण जाणे हे वाटते तितके सहज नाही कारण त्यात रण आहे. आपलाच आपल्या सोबतचा हा संघर्ष आहे. आपल्यातील दुर्गुणांचा विनाश केला तरच शरण जाता येते. अशा स्वरूपात त्यांनी अभंगाचे अंतरंग उलगडून दाखविले.
       मध्यंतरामध्ये श्री बंडोपंत भागवत यांनी कीर्तनकारांचा सन्मान केला. श्री अरुण दिवे यांनी प्रेमभावे ओवाळीतो गीत तुझे गाऊनी ! हे जगदंबे मातेचे स्तवन सादर केले. 
      उत्तररंगात अवंती नगरीत म्हणजे उज्जयिनी मध्ये भगवान महांकालाच्या मंदिरामध्ये राजा रामभद्र आणि श्री मच्छिंद्रनाथांचा संवाद स्वरूप कथाभाग सादर करीत पुढच्या जन्मी राजा रामभद्राची गुणवती नाम पत्नी मुक्ताई रूपात तर तो राजा चांगदेवांच्या रूपात अवतरीत झाल्याची कथा सांगून बडवे बुवांनी श्रोत्यांना मंत्रमुग्ध केले. 
         कीर्तनाला संवादिनीवर अरुण दिवे  तर तबल्यावर शुभम बोबडे यांनी साथसंगत केली. सूत्रसंचालन सुनील इंदुवामन ठाकरे यांनी केले. 
        कीर्तन मालिकेच्या वाढत्या प्रतिसादाबद्दल समाधान व्यक्त करून अधिकाधिक वणीकरांनी या संधीचा लाभ घ्यावा असे आवाहन मंदिराचे सचिव ह.भ.प‌. मनु महाराज तुगनायत यांनी केले आहे.

टोलेबाज वार्ता पत्र :

वणी:सेवानिवृत्त मुख्याध्यापक तथा श्री जैताई मंदिर नगर, वाचनालयाचे अध्यक्ष माधवरावसरपटवार ह्यांना सन २०२५चा जैताई मातृगौरव पुरस्कार प्राप्त झाला. याच सोहळ्यात यांच्यावरील“माझे जीवनगाणे” ह्या पुस्तकाचेथाटात  प्रकाशन झाले. दैनिक तरुण भारतचेमुख्य संपादक शैलेस पांडे, विदर्भ साहित्य संघाचे अध्यक्ष प्रदीप दाते, ख्यातनाम बांधकामव्यावसायिक आशुतोष शेवाळकर, माजी आमदार संजीवरेड्डी बोदकुरवार, नागपूर येथील प्रसिद्धडॉ. सौरभ बरडे, विद्यावाचस्पती स्वानंद पुंड, पुस्तकाचे संपादक सुनील इंदुवामनठाकरे आणि सामाजिक कार्यकर्ते विजय चोरडिया प्रामुख्याने उपस्थित होते.     

या पुस्तकाला ख्यातनाम साहित्यिक तथा पत्रकार शैलेश पांडे ह्यांची प्रस्तावना आहे. त्यांनी त्यावर भाष्य केले. संपादक सुनील इंदुवामन ठाकरे ह्यांनी या पुस्तकाची निर्मितीप्रक्रिया विषद केली. ही शैलेश सरपटवार, शर्वरी सरपटवार, राम बीडकर आणि शिल्पा बीडकर ह्यांची निर्मिती असूनप्रकाशक विदर्भ साहित्य संघ, वणी शाखा आहे. मुखपृष्ठ सागर मुने ह्यांचं तर मलपृष्ठ गुरुदत्त बीडकर ह्यांचं आहे. आतील पेन्सील रेखाटन हर्षदा सरपटवार ह्यांचं आहे.मांडणी व सजावट मंगला बक्षी ह्यांची असून निर्मिती प्रमुख भारती सरपटवार आहेत.

प्राचार्यराम शेवाळकर, संजय इंदुरकर, ग्यानचंद भंडारी, अरुणकुमार खैरे, डॉ. श्रीकांतगोडबोले, कोल्हापुरचे राम देशपांडे आदींचे यात लेख आहेत. तसेच महाकवी सुधाकर गायधनी, वनराईचे गिरीश गांधी, प्राचार्य शिरीषदादा कवडे, ना. गो. थुटे, मधुकर सवरंगपते, आशुतोष अडोणी, ब. ना. एकबोटे, वीणा हरदास, प्रा. प्रणिता भाकरे, विनयकोंडावार,  प्रा. रवींद्र साधू, ना. ना.देशपांडे, नरसिंह बेलसरे, दादा घाटोड, नारायण जोशी, डॉ. लक्ष्मण जिवने, केशवआवारी, मीनाक्षी गोरंटिवार आदिंच्या पत्रव्यवहारांचा यात समावेश आहे.

डाखरे गुरुजी, गरुदत्त आणि देवदत्त बिडकर,  सोबतच गौतम सुत्रावे, नीलकृष्ण देशपांडे, स्मिता गोरंटिवार,जया मीनल अनिल रोहणकर, सुभाष व सुनीता देशमुख आदींनी काव्यांतून भावना व्यक्तकेल्या आहेत. कार्यक्रम संयोजन सागर मुने ह्यांनी केलं. यावेळी बहुसंख्यस्नेही, रसिक उपस्थित होते. प्रास्ताविक भूमिका प्रा.स्वानंद पुंड यांनी मांडली.आभार प्रा. चंद्रकांत अणे ह्यांनी मानलेत.

०००००००००००००००००००

टोलेबाज वार्ता पत्र : श्री उपरे, वणी

वणी :न्यू युवा महिला दुर्गा उत्सव मंडळ बँक कॉलनी येथे ता.27/09/25 ला गोंधळाचा कार्यक्रम घेण्यात आला.हिंगणघाट येथील रवि मोरणकर हे कार्यक्रमाचे आकर्षक ठरले. ते आई तुळजा भवानी चे मोठे भक्त असून त्यांनी वणी मध्ये येऊन कार्यक्रम संपन्न केला आहे व सोबतच रांगोळी स्पर्धेचे पण आयोजन केले गेले. मांडलाच्या अध्यक्षा सौ कुंदा मोरेश्वर सावसाकडे,उपाध्यक्षा सौ लता पाटणकर,सचिव सौ अमृता संदीप चट्टे यांचे पुढाकाराने कार्यक्रम यशवी झाला. त्या बद्धल त्यांनी सर्व कार्यकर्त्यांचे आभार मानले.