वणी

टोलेबाज न्यूज

वणी: जागतिक पातळीवर नावलौकिक अशा अवघ्या 8 वर्षाचा कु. मनस्वी विशाल पिंपरे रा. बोटोनी ता.मारेगाव ज़िल्हा यवतमाळ हिने दि. 24 जानेवारी 026 रोजी पांढरकवडा ते वणी 50 किलो मीटरचे अंतर स्केटिंगद्वारे पार करण्याचा बहुमान मिळविला आहे.

कु. मनस्वी विशाल पिंपरे सध्या पुणे येथे राहत असून जागतिक विक्रमवीर, नॅशनल स्केटिंग चॅम्पियन 2023,2025, गिनीज वर्ल्ड रेकार्ड होल्डर, सुवर्ण पदक शतकवीर तसेच अनेक राज्य तथा राष्ट्रीय 22 विविध पुरस्कार प्राप्त अष्टपैलू स्केटिंगपटू असून तिने 2024 यावर्षी “बेटी बचाओ बेटी पढाओ” करिता बोटोनी ते मारेगाव असा 12 किलो मीटरचा स्केटिंग तसेच 2025 मधे “स्केट फॉर युवा “करिता बोटोनी ते वणी 30 किलोमीटर पल्ला गाठत समाजाला बेटी बचाओ बेटी पढाओ संदेश दिला.

यावर्षी ज़िल्हा क्रीडा अधिकारी कार्यालय व नेहरू युवा केंद्र पांढरकवडा नगरपरिषदेचा विशेष सहकार्याने पांढरकवडा ते वणी स्केटिंग रॅलीचे आयोजन करण्यात आले होते. 

कु. मनस्वीचा इतिहासाची धर्य व जिद्दीचे कौतुक साजरे करण्यासाठी वणी नगरीत स्व.बाळा साहेब ठाकरे, साई मंदिर चौक, वणी येथे दुपारी 1 वाजता सेनेचे सर्व कार्यकर्ते व जनतेचा मोठया उपस्थितीत विजयबाबू चोरडिया (नेते शिव सेना शिंदे गट ) यांचा शुभहस्ते भव्य सत्कार करण्यात आला वाणीचा या कन्येचे इतिहासिक सोहळ्याचे साक्षीदार मनीष सुरावर, महावीर कटारिया, शम्स सिद्धिकी, महेश कुचेकर, शुभम गोरे तसेच सर्व पदाधिकारी, सर्व सहकारी व नागरिकांचा मोठया उपस्थितीत पार पडला. 

टोलेबाज न्यूज

वणी : मारेगाव येथे शेतातील येण्या जाण्याचा रस्त्याच्या वादातून एका व्यक्तीवर जीवघेणा हल्ला करण्यात आल्याची गंभीर बाब पुढे आली आहे. बाभळीचा काठीने डोक्यावर व पाठीवर मारून जिवाने मारण्याची धमकी दिली असून या प्रकरणी मारेगाव पोलीस स्टेशनला गुन्हा दाखल करण्यात आला आहे. 

सविस्तर 22 जानेवारी 026 रोजी सकाळी 7 वाजता दरम्यान जीवन संभाजी इखारे वय 42 रा. पहापाळ ता. मारेगाव हे आरोपी हरिभाऊ नीलकंठ लांबट वय 52 रा. पहापळ यांचे शेतशेजारी असून आरोपीने शेतातून येण्या जाण्याचा रस्त्याच्या कारणावरून जीवन इखारे व त्याचा मुला सोबत वाद करून मुलगा घरा समोर शेकोटी शेकत असताना आरोपीने मुलास लाथाबुक्याने मारहाण करून शिवीगाळ केली

तसेच फिर्यादीचा बाभुळीची काठी डोकयावर व पाठीवर मारून जिवाने मारण्याची धमकी दिली अशा फिर्यादीचा जबानी रिपोर्ट वरून आरोपी हरिभाऊ लांबट यांचे विरुद्ध अप क्र. 17/26 कलम 118(1),352,351(2),351(3) भान्यास गुन्हा नोंद करण्यात आला आहे पुढील तपास मारेगाव पोलीस करीत आहे. 

टोलेबाज न्यूज

वणी :वणीतील साई मंदिर समोर भरधाव वेगाने वाहन चालऊन मोटारसायकल स्वारास धडक देऊन गंभीर जखमी केले प्रकरणी वणी पोलीसात गुन्हा दाखल करण्यात आला आहे.

सविस्तर दि. 9 डिसेंबर 2025 रोजी सुरेशराव बोढाले हे त्याची मोटारसायकल वाहन क्र. M.H.29 BJ 6779 गाडीने साई मंदिर येथे दर्शना साठी जात असताना आरोपीने वाहन क्र. M.H.29 CA 3504 भरधाव वेगाने चालऊन सुरेश बोढाले यांचा वाहनाला जबर ठोस मारून अपघात केल्याने गंभीर दुखापत होऊन झाखमी झाले आहे.

त्याचा मुलाने स्वप्नील सुरेशराव बोढाले वय 40 वसंत विहार वणी यांचा फिर्यादी वरून वाहन चालका विरुद्ध 22 जानेवारी 026 रोजी उप क्र. 41/26 कलम 281,125 (ब ) भान्यास गुन्हा नोंद करण्यात आला आहे.

निष्काळजीपणे भरधाव वेगाने वाहन चालवीनाऱ्याचा संख्या वाढत चालली असून सामान्य नागरिक या घटनेचे बळी पडत आहे अशा घटना सतत वाढत असल्याने चिंतेचे वातावरण निर्माण झाले आहे. 

टोलेबाज न्यूज

वणी : “देव तारी त्याला कोण मारी ”अशीच घटना यवतमाळ ज़िल्हातील वाहतूक शाखेतील पोलीस कर्मचारी निलेश झाडे हे स्टेट बँक चौक येथे कर्तव्यावर हजर असताना धामणगांव ते यवतमाळ बस मध्ये एका प्रवाशाला हार्ट अटॅक आला असता निलेश झाडे यांनी तत्परता दाखवून त्याप्रवशाला दवाखान्यात नेऊन त्याचे प्राण वाचविले.

माहितीनुसार दि.1जानेवारी 2026 रोजी संध्याकाळी 6 वाजता दरम्यान निलेश झाडे स्टेट बँक चौकात कर्तव्यावर हजर असता धामणगांव ते यवतमाळ बस मधील कंडक्टर यांनी सांगितले कि बस मधील प्रवासी रोशन गणेश बुटके (वय 25 वर्षे)रा.कवठा ता.पुलगाव ज़िल्हा वर्धा यांना हार्ट अटॅक आला आहे.

त्याना तातडीची मदत करा तेव्हा निलेश झाडे यांनी क्षणाचाही विलंब न करता बस मधील प्रवाशी रोशन यास ऑटो मधे बसवून त्वरीत सरकारी हॉस्पटल यवतमाळ येथे भरती केले डॉक्टराणी लगेच उपचार करून रोश्नचे प्राण वाचविले तेव्हा डॉक्टराणी सुद्धा निलेशचे कौतुक केले सांगितले कि तुम्ही पेशंटला वेळेवर आणल्यामुळे त्याचे प्राण वाचले या कार्याबद्दल पेशंटचे मित्र व नातेवाईक यांनी ट्रॅफिक पोलीस निलेश झाडे यांनी तत्परता दाखवून प्रवाशी पेशंट यास दवाखान्यात दाखल केल्या बद्दल आभार मानून अभिनंदन केले. 

या कार्याची दखल महाराष्ट्र राज्याचे पोलीस महासंचालक सदानंद दाते यांनी दखल घेऊन ट्रॅफिक पोलीस अंमलदार निलेश झाडे यांचे सोबत पोलीस अधीक्षक कार्यालय यवतमाळ येथे कार्यालयातून व्हिडिओ कॉल वर बोलणी करून केलेल्या कार्याची  प्रशंसा करून कौतुकाची पाठीवर थाप ठेवली आणि बक्षीसपत्र देऊन गौरविण्यात आले .

टोलेबाज न्यूज

वणी : यवतमाळ ज़िल्हातील उमरखेड तालुक्यात गोवंशाची कत्तल करून गोवंश सद्रूश मास विक्री संदर्भात आरोपी 1)शकील हमद मोहंमद युसूफ वय 57 आंबेडकर वॉर्ड 2)अतिक अहमद मो. इस्माईल वय 40 रहीम नगर 3)शेख मुनाफ शेख बाबू वय 52 आंबेडकर वॉर्ड 4)अब्दुल करीम मो.युनूस वय 29 ताजपुरा वॉर्ड 5)शेख मुसा शेख वय 42 रहीम नगर सर्व उमरखेड यांचे विरुद्ध कलम 5,5 (क ),9,9 (अ ) महाराष्ट्र प्राणी संरक्षन अधिनियम 1976 (सुधारणा2015) अन्वये गुन्हा दाखल करण्यात आला आहे. 

पो. अधीक्षक कुमार चिंता यांचा आदेशाने दि. 21जानेवारी 026 रोजी सायंकाळी 4 वाजता सुमारास ताजपुरा वॉर्ड उमरखेड येथे गोवंश जातीच्या जाणवराची कत्तल करून गोमास विक्री केल्या जात आहे अशा गोपनीय माहिती वरून ताजपुरा मस्जिदच्या बाजूला एका बंदिस्त जागेवर गोवंश सद्रूश मासाची विक्री करीत असताना मिळून आले आरोपी कडून घटनास्थळी जप्ती पंचनाम्याप्रमाणे 04 कि.ग्रॅ.मास किंमत 800 रू.,05 वजन काटे व 05 सूरी किंमत 2300 रू. असा एकूण 3150 रू. मुद्देमाल जप्त्त करण्यात आला.

हि कार्यवाही पो.अधीक्षक कुमार चिंता अप्पर पो. अधीक्षक अशोक थोरात उपविभागीय पो. अधिकारी हर्षवर्धन बी.जे. पो.नि. शंकर पांचाळ यांचा मार्गदर्शनाखाली पार पाडली. 

टोलेबाज न्यूज

वणी : यवतमाळ ग्रामीण हद्दीत मनदेव येथे दि. 04/07/2021 सायंकाळी 7 वाजता दरम्यान आरोपी विनोद दादाराव खडके वय 35 वर्षे रा.मनदेव हा ज़िल्हा परिषद शाळेच्या वरचा मजल्यावर बसून असलेल्या वडील दादाराव खडके यांना जेवण करण्यासाठी बोलवण्यास गेला असता वडिलांने जेवण करण्यास नकार दिल्याने रागाचा भरात विनोद याने वडील दादाराव यास रोडवर ओढत आणून लाकडी झीलपीने डोकयावर वार करून लाथाने छातीवर व पोटावर मारहाण करून जीवे ठार मारले.

व आई सौं जयवंती दादाराव खडके हिला सुद्धा शिवीगाळ व थापडाने मारहाण करून जीवे ठार मारण्याची धमकी दिली सौं जयवंती दादाराव खडके यांनी पोलीस स्टेशन यवतमाळ ग्रामीण येथे गुन्हा नोंद करून आरोपी विनोद यास तात्काळ अटक करून या गुन्हाचा तपास करून तत्कालीन तपास अधिकारी पोलीस निरीक्षक किशोर बळीराम जुनघरे यांनी हे प्रकरण न्यायालयात न्यायप्रविष्ट केले होते.

न्यायालयाने या गुन्ह्यातील साक्षपुराव्यानंतर प्रत्यक्ष दर्शी साक्षीदार डॉक्टर, फिर्यादी, पंच, व तपास अधिकारी यांचे साक्षीतून व सिद्ध केलेल्या दस्तऐवजाचे आधारे दि. जानेवारी 026 रोजी मा न्यायालयाने आरोपी विनोद दादाराव खडके याचे विरुद्ध भादवि कलम 302 मध्ये जन्मठेपेची शिक्षा व 1,000 रू. दंड आणि दंड न भरल्यास 6 महिण्याच्या सक्षम करावासाची शिक्षा ठोठावली आहे.

या प्रकरणाचा तपास तत्कालीन पोनि.किशोर बळीराम जुनघरे यांनी केला व सरकारी पक्षाचा वतीने सहाय्यक सरकारी वकील मंगेश गंगलवार यांनी काम पाहिले व साक्षीदार पडताळणी पोस्टे.यवतमाळ ग्रामीण चे पोनि. सुनील नाईक तसेच कोर्ट पैरवी अधिकारी मपोहवा नीता खडसे यांनी साक्षीदारास मार्गदर्शन केले. 

टोलेबाज न्यूज

वणी : यवतमाळ ज़िल्हातील आर्णी तालुक्यातील कोपरा गावात समाजाला काळिमा फासणारी अमानुष घटना घडली गावातील एका नराधमाने अल्पयीन मुलीला लग्नाचे आमिष दाखवून पळून नेऊन सतत लैगिक अत्याचार केल्या या प्रकरणी अतिरिक्त्त ज़िल्हा व सत्र न्यायालय दारव्हा यांनी आरोपीस 20 वर्षाची सक्त्त मजुरीची शिक्षा दिली.

माहितीनुसार पो. स्टे. आर्णी येथील दाखल अपराध क्र. 346/2021 कलम 363 भा.द.वि. मध्ये ग्राम कोपरा येथील अल्पवयीन मुलगी अ.ब.क.वय 14 वर्षे हिला 14/05/2021 रोजी दुपारी 11 वाजता आरोपी शाम माणिक ढोले (वय 24 वर्षे )रा. कोपरा ता. आर्णी याने पीडित अल्पयीन मुलीस लग्नाचे आमिष दाखवून पळवून नेले तसेच तिला मौजा बनवाडी ता. कोरेगाव सातारा येथे भाड्याची खोली घेहून राहत असताना वारंवार लैगिक अत्याचार केला .

सदर गुन्ह्याचा तपास पो.निरीक्षक पो.स्टे.आर्णी यांनी पीडित मुलगी व आरोपीचा शोध घेहून गुन्ह्यात परिस्थितीजन्य पुरावे, लेखी पुराचे, तोंडी पुरावे गोळा करून आरोपी विरुद्ध कलम 363,366,376 (2),376 (ज) (न) भा.द.वि. सहकलम 4,6 पोक्सो अन्वये दोषारोप पत्र अतिरिक्त्त ज़िल्हा व सत्र न्यायालय दारव्हा येथे दि.12/07/2021 रोजी दाखल केले. न्यायालयाने या प्रकरणात एकूण 08 साक्षीदार तपासून त्यामध्ये पीडित व ईतर साक्षीदाराची साक्ष ग्राह्य धरून आज दि. 20 जानेवारी 2026 रोजी सदर प्रकरणाचा निकाल दिला.

ज्यामध्ये शाम माणिक ढोले रा. कोपरा ता.आर्णी याला भादवि चे कलम 363 मध्ये 03 वर्ष शिक्षा व 5,000 रू.दंड, भादवि चे कलम 366 मध्ये 05 वर्ष शिक्षा व 5,000 रू.दंड, भादवि चे कलम 376 (2) मध्ये 10 वर्ष शिक्षा व 10,000 रू.दंड, भादवि चे कलम 376 (2)(ज )(न )मध्ये 10वर्ष शिक्षा 10,000 रू. दंड तसेच बाल लैगिक अत्याचार कायदा कलम 4 मध्ये 20 वर्षे शिक्षा व 25,000 रू.दंड, बाल लैगिक अत्याचार कायदा कलम 6 मध्ये 20 वर्षे शिक्षा व 25,000 रू.दंड अशी शिक्षा वि.ज़िल्हा व सत्र न्यायाधिश संजीवकुमार नरवाडे साहेब यांनी दिली.

या प्रकरणात सरकारी पक्षातर्फे ऍड. अंकुश एस.देशमुख यांनी बाजू मांडली गुन्हाचा तपास पो.उप.शिवराज पवार लेखनिक पोशि विशाल गावंडे यांनी केला कोर्ट पैरवी सफौ गजानन भगत यांनी काम पाहिले.

•देशी कट्टा, दोन जिवंत काडतूस व आरोपी गजाआड

टोलेबाज न्यूज

वणी : यवतमाळ ज़िल्हात दिग्रस शहरात देशी कट्टा /पिस्तूल कमरेला लावून फिरणाऱ्या मो. असिफ मो. अफजल रा. सुभाष नगर ता. दिग्रस अशा युवकाला स्थानिक गुन्हे शाखा यवतमाळ यांनी मोठया शिताफिने अटक केली त्याचेवर 3,25 भारतीय हत्यार कायदा अन्वये गुन्हा दाखल करून 52 हजार रुपयाचा मुद्देमाल हस्तगत करण्यात आला आहे.

19 जानेवारी 026 रोजी स्थानिक गुन्हे शाखेचे पथक दिग्रस हद्दीत पोट्रोलिंग करीत असताना गुप्त माहिती च्या आधारे दिग्रस ते आर्णी बायपास लगत हिंदू स्मशानभूमी जवळ मो. असिफ मो. अफजल हा संशईत फिरत असल्याचे माहिती वरून पथकाने ताबडतोब दोन पंचासह घटनास्थळ गाठले तेथे दिग्रस ते आर्णी बायपास वरील पुलाचा कठड्यवर संशईतरिते कोणाचीतरी वाट बघत असल्याचे निदर्शनास आले.

त्याच्या कमरेला काहीतरी शस्त्रासारखे दिसून आल्याने त्यास शितफिने ताब्यात घेऊन पंचा समक्ष अंगझडती घेतली असता त्याचे कमरेला खोचून एक देशी बनावटी पिस्टल /देशी कट्टा,(अग्निशस्त )मॅगझीनस कि. अंदाजे 50,000 रू. मॅगझीनमध्ये दिसणारे पितळी सदृश जिवंत काडतूस अंदाजे कि. 2000 रू. असा एकूण 52,000 रू. मुद्देमाल मिळून आला. या बाबत विचारणा केली असता शस्त्र बाळगण्याची कोणतीही परवानगी नसल्याचे सांगितले वरून आरोपी विरुद्ध दिग्रस पोलीस स्टेशन येथे गुन्हा दाखल करण्यात आला आहे.

हि कार्यवाही पो. अधीक्षक कुमार चिंता, अपो. अधीक्षक अशोक थोरात,पोनि. सतीश चवरे यांचा मार्गदर्शनाखाली सर्व स्थानिक गुन्हे शाखा यवतमाळ यांनी पारपाडली.

टोलेबाज न्यूज

वणी : वणी शहरातील एका पक्षाच्या कार्यकर्त्याने पाटाळा पुलाजवळील बार मॅनेजरला खंडणी मागितल्या प्रकरणी धक्कादायक प्रकरण उघडकिस आले असून शहरात खडबड उडाली आहे या संबंधी वणी पोलिसांनी एका आरोपी विरुद्ध भारतीय न्याय संहिता (BNS) च्या कलम 308(2), 351(2), 351(3) आणि 352 नुसार गुन्हा दाखल करण्यात आला आहे.

सविस्तर दि. 18 जानेवारी 026 रोजी 10 वाजताचा सुमारास हि घटना घडली आहे . वेदा बारचे मॅनेजर शंकर चंद्रीका साह (वय 33, रा. कुचना, ता. वणी) हे काउंटरवर कार्यरत असताना, तेथे मोबीन शेख (वय अंदाजे 25, रा. एकता नगर, वणी) नावाचा इसम बारमध्ये आला. दारू पिल्यानंतर मॅनेजरने मोबीनकडे बिलाची मागणी केली असता, त्याने बिल देण्यास नकार दिला. मोबीन शेख याने मॅनेजरला धमकावत सांगितले की, “मी प्रहार पक्षाचा वणी तालुका अध्यक्ष आहे. तुमचा बार रात्री उशिरापर्यंत सुरू राहतो. त्याकरिता मला ₹ 25,000/- महिना द्यायला सांग.” असे म्हणत त्याने मॅनेजरला शिवीगाळ केली आणि मारण्याची धमकी दिली.

या घटनेच्या वेळी बारमधील विलास भोयर आणि श्रीकांत पाथरटकर हे देखील उपस्थित होते. घटनेनंतर मॅनेजर शंकर साह यांनी त्यांचे मालक अभिजीत सातवकर यांना फोनद्वारे संपूर्ण माहिती दिली. शंकर साह यांनी वणी पोलीस स्टेशनमध्ये जाऊन लेखी तक्रार दिली . त्यांच्या जबानी रिपोर्टनुसार, आरोपी मोबीन शेख याच्याविरुद्ध दि.19 जानेवारी 026 रोजी रात्री गुन्हा दाखल करण्यात आला असून पुढील तपास वणी पोलीस करीत आहे.

•सहा आरोपीसह 1 लाख 4 हजार रूपयाचा मुद्देमाल जप्त्त

टोलेबाज न्यूज

वणी : वणी पोलिसांनी 18 जानेवारी रोजी वणी हद्दीतील कुंभारखनी क्वार्टर परिसरातील खुल्या जागेत सुरू असलेल्या कोंबडबाजारावर वणी पोलीसांनी यशस्वी धाड टाकण्यात आली या धाडीत 06 जुगाऱ्याना ताब्यात घेऊन 1 लाख 4 हजार रू. किमतीचा मुद्देमाल जप्त करण्यात आला आहे.

सविस्तर उपविभागीय पोलीस अधिकारी वणी यांचा मार्गदर्शनाखाली पोलीस निरीक्षक गोपाल उंबरकर यांचा आदेशाने पोलीसांना मिळालेल्या गुप्त माहिती वरून कुंभारखनी क्वार्टरच्या मागील बाजूस असलेल्या जंगलसदृश भागात काही इसम कोंबड्यांच्या झुंजीवर पैशांची बाजी लावून जुगार खेळत होते.

या माहितीच्या आधारावर, पोउप. सुयोग महापुरे यांच्या नेतृत्वाखालील पथकाने पंचांसह घटनास्थळी धाड टाकण्यात आली. यातील आरोपी 1) कैलास जगन पेंदोर (वय 30, रा. सुरला, ता. झरी-जामनी) 2) धर्मा किसन परचाके (वय 43, रा. सुरला, ता. झरी-जामनी) 3) उत्तम बोडकाजी ठाकरे (वय 55, रा. वेगाव, ता. मारेगाव) 4) ऋषभ गजानन खुसपुरे (वय 28, रा. कोलगाव, ता. मारेगाव) 5) शंकर शामराव वराटे (वय 32,रा मारेगाव, ता. वणी ) 6) रमेश हिरामन झाडे (वय 40, रा. गणेशपूर, ता. वणी)  यांना ताब्यात घेतले.

रोख रक्कम जुगारासाठी वापरलेली ₹ 40,600/-व कोंबड्याच्या पायाला बांधलेली लोखंडी धारदार काती जप्त करून कोंबड्यांचा कायदेशीर प्रक्रिया पूर्ण करून पोलीस स्टेशनमध्ये लिलाव करण्यात आला, ज्यातून ₹ 800/- प्राप्त झाले. अटक केलेल्या आरोपींविरुद्ध महाराष्ट्र जुगार कायदा कलम १२(ब) आणि १२(क) नुसार गुन्हा दाखल करण्यात आला आहे.

पोलीस अधीक्षक कुमार चिंता यांनी यवतमाळ ज़िल्यात कोणत्याही प्रकारच्या अवैध धंदे, शत्रे बाळगणे, आरोपी शोध, गुंगीकारक औषधद्रव्य तस्करीचे समूळ उच्चाटन व्हावे करिता स्थानिक गुन्हे शाखा यवतमाळ यांना आदेश देण्यात आले असून अवैध दारू,मटका,कोंबडबाजार,घरकुल धारकाची दिशाभूल करून रेती तस्करी जोमात सुरु असून सामान्य जनतेत संतापाचा सूर उमटत असून आता पोलीस अधीक्षक साहेबांकडे जनता कार्यवाहीची मागणी करीत आहे.

या कारवाईमुळे परिसरात अवैध जुगार खेळणाऱ्यांना वणी पोलिसांनी कठोर संदेश दिला आहे.