वणी

टोलेबाज न्यूज

वणी : वणी शहरातील एका पक्षाच्या कार्यकर्त्याने पाटाळा पुलाजवळील बार मॅनेजरला खंडणी मागितल्या प्रकरणी धक्कादायक प्रकरण उघडकिस आले असून शहरात खडबड उडाली आहे या संबंधी वणी पोलिसांनी एका आरोपी विरुद्ध भारतीय न्याय संहिता (BNS) च्या कलम 308(2), 351(2), 351(3) आणि 352 नुसार गुन्हा दाखल करण्यात आला आहे.

सविस्तर दि. 18 जानेवारी 026 रोजी 10 वाजताचा सुमारास हि घटना घडली आहे . वेदा बारचे मॅनेजर शंकर चंद्रीका साह (वय 33, रा. कुचना, ता. वणी) हे काउंटरवर कार्यरत असताना, तेथे मोबीन शेख (वय अंदाजे 25, रा. एकता नगर, वणी) नावाचा इसम बारमध्ये आला. दारू पिल्यानंतर मॅनेजरने मोबीनकडे बिलाची मागणी केली असता, त्याने बिल देण्यास नकार दिला. मोबीन शेख याने मॅनेजरला धमकावत सांगितले की, “मी प्रहार पक्षाचा वणी तालुका अध्यक्ष आहे. तुमचा बार रात्री उशिरापर्यंत सुरू राहतो. त्याकरिता मला ₹ 25,000/- महिना द्यायला सांग.” असे म्हणत त्याने मॅनेजरला शिवीगाळ केली आणि मारण्याची धमकी दिली.

या घटनेच्या वेळी बारमधील विलास भोयर आणि श्रीकांत पाथरटकर हे देखील उपस्थित होते. घटनेनंतर मॅनेजर शंकर साह यांनी त्यांचे मालक अभिजीत सातवकर यांना फोनद्वारे संपूर्ण माहिती दिली. शंकर साह यांनी वणी पोलीस स्टेशनमध्ये जाऊन लेखी तक्रार दिली . त्यांच्या जबानी रिपोर्टनुसार, आरोपी मोबीन शेख याच्याविरुद्ध दि.19 जानेवारी 026 रोजी रात्री गुन्हा दाखल करण्यात आला असून पुढील तपास वणी पोलीस करीत आहे.

•सहा आरोपीसह 1 लाख 4 हजार रूपयाचा मुद्देमाल जप्त्त

टोलेबाज न्यूज

वणी : वणी पोलिसांनी 18 जानेवारी रोजी वणी हद्दीतील कुंभारखनी क्वार्टर परिसरातील खुल्या जागेत सुरू असलेल्या कोंबडबाजारावर वणी पोलीसांनी यशस्वी धाड टाकण्यात आली या धाडीत 06 जुगाऱ्याना ताब्यात घेऊन 1 लाख 4 हजार रू. किमतीचा मुद्देमाल जप्त करण्यात आला आहे.

सविस्तर उपविभागीय पोलीस अधिकारी वणी यांचा मार्गदर्शनाखाली पोलीस निरीक्षक गोपाल उंबरकर यांचा आदेशाने पोलीसांना मिळालेल्या गुप्त माहिती वरून कुंभारखनी क्वार्टरच्या मागील बाजूस असलेल्या जंगलसदृश भागात काही इसम कोंबड्यांच्या झुंजीवर पैशांची बाजी लावून जुगार खेळत होते.

या माहितीच्या आधारावर, पोउप. सुयोग महापुरे यांच्या नेतृत्वाखालील पथकाने पंचांसह घटनास्थळी धाड टाकण्यात आली. यातील आरोपी 1) कैलास जगन पेंदोर (वय 30, रा. सुरला, ता. झरी-जामनी) 2) धर्मा किसन परचाके (वय 43, रा. सुरला, ता. झरी-जामनी) 3) उत्तम बोडकाजी ठाकरे (वय 55, रा. वेगाव, ता. मारेगाव) 4) ऋषभ गजानन खुसपुरे (वय 28, रा. कोलगाव, ता. मारेगाव) 5) शंकर शामराव वराटे (वय 32,रा मारेगाव, ता. वणी ) 6) रमेश हिरामन झाडे (वय 40, रा. गणेशपूर, ता. वणी)  यांना ताब्यात घेतले.

रोख रक्कम जुगारासाठी वापरलेली ₹ 40,600/-व कोंबड्याच्या पायाला बांधलेली लोखंडी धारदार काती जप्त करून कोंबड्यांचा कायदेशीर प्रक्रिया पूर्ण करून पोलीस स्टेशनमध्ये लिलाव करण्यात आला, ज्यातून ₹ 800/- प्राप्त झाले. अटक केलेल्या आरोपींविरुद्ध महाराष्ट्र जुगार कायदा कलम १२(ब) आणि १२(क) नुसार गुन्हा दाखल करण्यात आला आहे.

पोलीस अधीक्षक कुमार चिंता यांनी यवतमाळ ज़िल्यात कोणत्याही प्रकारच्या अवैध धंदे, शत्रे बाळगणे, आरोपी शोध, गुंगीकारक औषधद्रव्य तस्करीचे समूळ उच्चाटन व्हावे करिता स्थानिक गुन्हे शाखा यवतमाळ यांना आदेश देण्यात आले असून अवैध दारू,मटका,कोंबडबाजार,घरकुल धारकाची दिशाभूल करून रेती तस्करी जोमात सुरु असून सामान्य जनतेत संतापाचा सूर उमटत असून आता पोलीस अधीक्षक साहेबांकडे जनता कार्यवाहीची मागणी करीत आहे.

या कारवाईमुळे परिसरात अवैध जुगार खेळणाऱ्यांना वणी पोलिसांनी कठोर संदेश दिला आहे.

टोलेबाज न्यूज

यवतमाळ जिल्हयात कोणत्याही प्रकारचे अवैध धंदे, शस्त्र बाळगणा-या तसेच अउघड गुन्हे, आरोपी शोध, अवैध धंदे तसेच गुंगीकारक औषधद्रव्याची तस्करी समूळ उच्चाटन व्हावे याकरीता पोलीस अधीक्षक कुमार चिंता यांनी पोलीस निरीक्षक स्थानिक गुन्हे शाखा यवतमाळ यांना आदेशीत केले आहे. त्याच अनुषंगाने पोलीस निरीक्षक स्थानिक गुन्हे शाखा यवतमाळ यांनी त्याचे पथकांना गोपनिय माहीती काढून प्रभावी छापा कारवाई करणे बाबत सुचना दिल्या आहेत.

वणी :यवतमाळ जिल्ह्यात दि. 17 जानेवारी 026 रोजी स्थानिक गुन्हे शाखा पथक यवतमाळ कॅम्प पुसद हे उमरखेड व पुसद उपविभागात पेट्रोलींग करीत असतांना सायंकाळी 06/20 वाजता सुमारांस गुप्त माहिती मिळाली कि, पोलीस स्टेशन पुसद ग्रामीण हददीतील मौजे-घांनसरा ते मोहदी रोडने तिन इसम FZ. मोटार सायकल क्रमांक MH-29 BX-6906 वरुन गांजा अंमली पदार्थ घेवून येणार आहे. अशी माहीती वरुन पथकाने तात्काळ वरिष्ठांना याबाबत अवगत करुन सापळा रचला.

मौजे घोनसरा गावच्या हददीत घोनसरा गावाच्या अलीकडे अंदाजे 100 मिटर अंतरावर रात्री 09/10 वाजण्याचे सुमारांस सापळा लावला असता घोनसरा बाजूकडून एक मोटार सायकल त्यावर तिन इसम येत असतांना दिसून आल्याने पोलीस कौशल्याचा वापर करुन अतिशय शिताफिने सदर मोटार सायकल रोडच्या बाजूला थांबवली असता एक इसम अंधाराचा फायदा घेवून पळून गेला असून दोन इसम यांस ताब्यात घेवून त्यांना त्याचे नाव गाव विचारले असता त्यांनी त्याचे नाव 1) अमरसिंग चतरु जाधव वय 56 वर्ष, रा.आमणी (लहान) ता. महागांव जि. यवतमाळ 2) शंकर देवराव खोकले वय 41 वर्ष, रा.आमणी (लहान) ता. महागांव जि. यवतमाळ यांना ताब्यात घेतले.

त्यांच्याकडील एका पिवळया रंगाच्या प्लॉस्टीक पिशवीची पाहणी केली असता 1 किलो 170 ग्रॅम गांजा अंमली पदार्थ मिळून आल्याने ते जप्त करुन त्यांचेकडील, एक मोबाईल, FZ मोटार सायकल क्रमांक MH-29 BX-6906 असे एकूण किंमत 1,33,400/- रु चा मुददेमाल जप्त केला त्यांच्या विरुध्द अंमली औषधी व मनप्रभावी पदार्थ अधिनियम 1895 चे कलम 8 (c), 20(b), (B) अन्वये पोलीस स्टेशन पुसद ग्रामीण येथे गुन्हा नोंद करूनकार्यवाही करण्यात आली.

हि कारवाई पोलीस अधीक्षक कुमार चिंता, अपर पोलीस अधीक्षक अशोक थोरात,सहा पोलीस अधीक्षक तथा उपविभागीय पोलीस अधिकारी हर्षवर्धन बी जे, पोलीस निरीक्षक सतीश चवरे यांचे मार्गदर्शनात सर्व स्थानिक गुन्हे शाखा यवतमाळ यांनी यशस्वीरित्या पार पाडली आहे

टोलेबाज न्यूज

वणी :यवतमाळ दि. 17 जानेवारी रोजी चोरी /घरफोडीतील अट्टल चोरटा अक्षय दयाराम मसराम वय 28 वर्ष रा. नेताजी नगर यवतमाळ त्याच्या कडून चोरीतील सोन्या चांदीचे दागिने,दुचाकी, टि. व्ही. व सिलेंडर असा 5 लाखाहून अधिक मुद्देमाल जप्त करून 9 गुन्हे उघड करण्यास स्थानिक गुन्हे शाखा यवतमाळच्या पथकाला यश आले आहे.

सविस्तर यवतमाळ उपविभागातील पथक चोरी, घरफोडी, जबरी चोरी,मोटरसायकल चोरी, उघड गुन्हे तपास संबंधित पेट्रोलिंग करीत असताना गुप्त माहितीच्या आधारे अट्टल चोरटा अक्षय दयाराम मसराम वन विभाग उद्यानाजवळ जाम रोड, यवतमाळ परिसरात एक्सेस दुचाकी मोटरसायकलने चोरीचा माल विक्री करण्याच्या उद्देशाने फिरत आहे अशा माहितीवरून पथकाने ताबडतोब घटनास्थळ गाठले व पो.स्टाफ. च्या मदतीने घेराव घालून ताब्यात घेतले

त्याच्या ताब्यातून विविध ठिकाणावरून चोरी केलेले सोन्याचे दागिने वजन अंदाजे 26.05 ग्रॅम किंमत 2,60,500 रू., चांदीचे दागिने वजन अंदाजे 153.04 ग्रॅम किंमत 30,608 रू., सुझुकी कंपनीची एक्सेस मोपेड किंमत अंदाजे 90,0000 रू असा एकूण 3,81,108 रू. मुद्देमाल जप्त करून तब्येत घेण्यात आला तसेच यवतमाळ व पुसद तालुक्यात केलेल्या विविध चोरीतील त्याचे राहते घरून 07 एल.ई.डी.टीव्ही,किंमत अंदाजे 2,03,999 रू. व 1 सिलेंडर किंमत अंदाजे 3,000 रू. असा एकूण किंमत 2,06,999 रू. मुद्देमाल तब्येत घेण्यात आला. पो. स्टेशन अभिलेखाची पाहणी करून पो.स्टेशन अवधूतवाडी येथील 06, लोहारा येथील 02, वसंतनगर येथील 01 असे एकूण 09 गुन्हे उघड करण्यात यश आले आहे.

हि कार्यवाही पो.अधीक्षक कुमार चिंता, अ.पो.अधीक्षक अशोक थोरात, पो.नि.सतीश चवरे, सपोनि. मनिष गावंडे, पोउपनि. गजानन राजमलू व सर्व स्थानिक गुन्हे शाखा यवतमाळ यांच्या टीमने यशस्वीरित्या पार पाडली.

टोलेबाज न्युज :

वणी :वणी विधानसभा क्षेत्राचे लोकप्रिय आमदार मा. संजय देरकर यांना वाढदिवसाच्या हार्दिक शुभेच्छा

शुभेच्छुक : सामाजिक कार्यकर्ता विलास कालेकर नवेगाव विरकुंड ग्रामवासी व समस्त जनतेच्या वतीने हार्दिक शुभेच्छा तसेच टोलेबाज न्यूज समूहाचा वतीने हार्दिक शुभेच्छा.

टोलेबाज न्यूज :

वणी : वणी विधानसभा क्षेत्रातील विरकुंड व नवेगाव येथे भूमिगत रस्त्याच्या बांधकामाचे भूमीपूजन सोहळा वणी विधानसभा आमदार संजयभाऊ देरकर हस्ते करण्यात आले. आमदारांच्या नेतृत्वाखाली सुरू असलेल्या विकास कामाचे कौतुक ग्रामस्थांनी केले.

भविष्यातही अशाच पद्धतीने गावाच्या विकासासाठी निधी उपलब्ध करून देण्याची अपेक्षा ग्रामवासीयांनी व्यक्त केली वणी विधानसभा क्षेत्रातील शहरी व ग्रामीण भागात शासनाच्या विविध योजनांच्या माध्यमातून विकास कामाचा सपाटा सुरू असल्याचे चित्र दिसून येत आहे विरकुंड येथील रस्ता बांधकाम हे त्याचेच एक ठळक उदाहरण असल्याचे ग्रामस्थांनी व्यक्त केले.

कार्यक्रमाला सरपंच वर्षाताई मोडावी, उपसरपंच पिनू डांगे, तालुकाप्रमुख संतोष कुचनकर, विलास कालेकर, जय देवकर, तसेच सर्व ग्रामपंचायत सदस्य, पदाधिकारी व ग्रामस्थ मोठ्या संख्येने उपस्थित होते.

टोलेबाज न्यूज :

•आदिवासी विकास मंत्री अशोक उईके, नवनिर्वाचित नगराध्यक्ष ऍड. प्रियदर्शनी उईके यांचे हस्ते दामिनी पथक’च्या नव्या वाहनाचे लोकार्पण

वणी :यवतमाळ जिल्हा पोलिसांचा पुढाकाराणे महिलांच्या सुरक्षेसाठी ‘दामिनी पथक’ नविन स्वरुपात.महिलांची सुरक्षा, सन्मान व संरक्षणासाठी पोलीस दल सातत्याने कार्यरत असून सुरक्षा उपक्रमाला अधिक बळकटी देण्यासाठी आज दिनांक 02/01/2026 रोजी पोलीस मुख्यालय, यवतमाळ येथे ‘दामिनी पथक’च्या नव्या वाहनाचे लोकार्पण करण्यात आले.

या कार्यक्रमास प्रमुख अतिथी म्हणून आदिवासी विकास मंत्री अशोक उईके, नवनिर्वाचित नगराध्यक्ष ऍड. प्रियदर्शनी उईके यवतमाळ येथील महिला नगरसेविका यांनी श्रीफळ फोडून व वाहनाला हिरवे झेंडे दाखवून महिलांच्या सुरक्षेकरिता दामिनी पथक आधुनिक वाहनासह रवाना करण्यात आले. तसेच दामिनी पथक कार्यरत पोलीस अंमलदार यांना पोलीस विभागातर्फे दामिनी पथक जॅकेट वितरण करण्यात आले.

या प्रसंगी जिल्हा पोलीस अधीक्षक कुमार चिंता यांनी “महिलांची सुरक्षा ही पोलीस दलाची सर्वोच्च जबाबदारी असून ‘दामिनी पथका’मुळे महिलांना त्वरित मदत, जलद प्रतिसाद आणि प्रभावी कार्यवाही मिळणार आहे. महिलांच्या सुरक्षिततेसाठी पोलिस दल सदैव कटिबद्ध आहे.”महिलांवरील छेडछाड, अत्याचार, कौटुंबिक हिंसा तसेच महिलांच्या सुरक्षेशी संबंधित तक्रारींवर जलद प्रतिसाद देण्यासाठी हे ‘दामिनी पथक’ कार्यरत असून या नव्या अत्याधुनिक वाहनामुळे कार्यवाही अधिक सक्षम, वेगवान व प्रभावी होणार आहे.

शाळा-कॉलेज परिसर, बाजारपेठा, सार्वजनिक ठिकाणे, वाहतूक केंद्रे व गर्दीच्या भागात नियमित गस्त घालून महिलांमध्ये सुरक्षिततेची भावना बळकट करणे हा या पथकाचा प्रमुख उ‌द्देश आहे.महिलांची सुरक्षा ही पोलीस दलाची सर्वोच्च जबाबदारी असून ‘दामिनी पथका’मुळे महिलांना त्वरित मदत, जलद प्रतिसाद आणि प्रभावी कार्यवाही मिळणार आहे. महिलांसोबत कोणत्याही प्रकारचा छळ, अत्याचार अथवा संशयास्पद घटना घडल्यास त्वरित 112 हेल्पलाईन, पोलीस नियंत्रण कक्ष किंवा जवळच्या पोलीस ठाण्यात संपर्क साधावा, टवाळखोरी, छेडछाड, अश्लील हावभाव व सार्वजनिक ठिकाणी मुलींना त्रास देण्याच्या घटना अजिबात सहन केल्या जाणार नाहीत. अशा प्रकारची कृत्ये करणाऱ्यांवर कायदेशीर कारवाई करण्यात येईल. सर्व तरुणांनी जबाबदार नागरिक म्हणून वागावे, महिलांचा आदर राखावा असे आवाहन करण्यात आले.

पोलीस दला तर्फे ऑपरेशन प्रस्थान या उपक्रमाअंतर्गत पहिल्या टप्प्यामध्ये एकुण 07 नीवासी शीबीरामध्ये 1800 मुलींना व दुस-या टप्प्यामध्ये यवतमाळ मधील एकुण 12शाळा व महाविद्यालयातील एकुण 4448 विद्यार्थी आतापर्यंत असे एकुण 6248 विद्यार्थ्यांना मोफत कराटे प्रशिक्षण देण्यात आले. महाविद्विद्यालयांमधील 30000 विद्यार्थ्यांना मोफत कराटे प्रशिक्षण देणे तसेच सायबर सुरक्षा- इंटरनेटच्या वापरातील सभांव्य धोके, सोशल मिडियावर सुरक्षित वर्तन, ओळखीच्या व अनोळखी व्यक्तीकडून येणाऱ्या संदेशांची शहानिशा, पासवर्ड सुरक्षितता, आणि सायबर गुन्ह्यांपासून संरक्षण, नशामुक्त समाज मोहिम, नैतिकता व नीतिमत्ता, सामाजीक जबाबदारी याबाबद विद्यार्थ्यांना मोफत मार्गदर्शन दिले जाणार आहेत.

या प्रसंगी यवतमाळ जिल्हा पोलीस अधीक्षक कुमार चिंता, यवतमाळ येथील महिला नगरसेविका, पोलीस निरीक्षक दिपमाला भेंडे महिला सुरक्षा कक्ष, पोलीस निरीक्षक नंदकिशोर काळे पोलीस स्टेशन अवधूत वाडी, पोलीस निरीक्षक रामकृष्ण जाधव पोलीस स्टेशन यवतमाळ शहर, सहाय्यक पोलीस निरीक्षक रोहित चौधरी पोलीस स्टेशन लोहारा, आरपीआय चकाटे, एम. टी. ओ. ढवळे, पोलीस विभागाचे अधिकारी तसेच पोलीस कर्मचारी मोठ्या संख्येने उपस्थित होते.

टोलेबाज न्यूज :

वणी: शहरात मोठ्या प्रमाणात सरू असलेले अवैध धंदे तत्काळ बंद करणेबाबत व औद्यागिक कंपन्या तसेच कोळसा वारणींमध्ये स्थानिक युबकांना रोजगार देण्याबाबत. व वणी शहर व परिसरामध्ये विविध प्रकारचे अवैध व समाजविघातक धंदे अत्यंत बिनधास्तपणे सुरू आहेत, विशेषतः सुरगंधित तंबाख्ू विक्री, गांजा व ड्रग्स विक्री, सट्टापट्टी व्यवसाय तसेचे अवैध रेती तस्करी यांचा व्याप मो्ठया प्रमाणात वाढलेला आहे.

या अवैध धंद्यांमुळे अनेक कुटंब उद्ध्वस्त होत असून युवक व विद्यार्थी वर्ग चुकीच्या मार्गाकडे वळण्याचा गंभीर धोका निर्माण झाला आहे. तसेच सुगीधित तंबाखूच्या सेवनामुळे तोंडाचा, जीभेचा व अन्नलिकेचा कर्करोग होण्याचे प्रमाण झपाट्यान वाठत असून ही बाब अत्यंत चिंताजनक अहे.

तसेच वरणी परिसरातील औद्योगिक कंपन्या व कोळसा खणामध्य स्थानिक युवकांना डावलून बाहेरील कामगारांना प्राथान्य दिले जात असल्याचे निदर्शनास येत आहे. परिणामी स्थानिक बेरोजगार युवक रोजगाराच्या संधीपासून वंचित राहत असून सामाजिक असंतोष वाढत आहे. स्थानिक युवकांना प्राधान्याने रोजगार देण्यासाठी योग्य नियोजन व सक्तीची अंमलबजावणी करणे अत्यंत आवश्यक आहे. शिवसेना पक्ष व यु्ासेना यांच्या वतीने याबाबत यापूर्वीही संबंधित विभागांकड़े अनेक वेळा निवेदने सादर करण्यात आली आहेत, मात्र आद्याप कोणतीही ठोस कार्यवाही झालेली नाही.

त्यामुळे नागरिकांमध्य तीव्र नाराजी निर्माण झाली असून कायदा व सुव्यवस्थेवर गंभीर परिणाम होण्याची शक्यता नाकारता येत नाही. म्हणून आपणांस नम्र विनंती आहे की, वणी शहर व परिसरात सुरु असलेल्या सर्व प्रकारच्या अवैध धंद्यांवर तात्काळ बंद करून कठोर कारवाई करण्यात यावी. औद्योगिक कंपन्या व कोळसा खाणणीमध्ये स्थानिक युवकांना प्राधान्याने रोजगार देण्याबाबत स्पष्ट आदेश निर्गीमित करून सदरचे निवेदन युवा शिव सेना शिंदे गट प्रतीक गौरकर यांचे वतीने कार्यकर्तासह उपविभागीय पोलीस अधिकारी वणी यांना देण्यात आले.

टोलेबाज न्यूज :

वणी: वणी शहरात प्रथमचभव्य शेतकरी महाएल्गार मेळाव्याचे आयोजन 4 जानेवारी 2026 रोजी दुपारी 12 वाजता शासकीय मैदान वणी येथे भव्य शेतकरी एल्गार मेळाव्याचे आयोजन करण्यात आले आहे. या निमित्ताने दि.30 डिसेंबर रोजी दुपारी स्थानिक विश्रामगृह वणी येथे पत्रकार परिषद घेऊन माहिती देण्यात आली. मेळाव्यामुळे शेतकरी चळवळीला नवी दिशा मिळण्याची अपेक्षा व्यक्त होत आहे.वणी येथील काही उत्साही शेतकरी संघटना, किसान सभा व प्रहार संघटनेच्या नेत्यांनी एकत्र येवून महाएल्गार शेतकरी मेळाव्याचे आयोजन केले आहे.

महाराष्ट्रातीलदिग्गज नेत्यांना निमंत्रित करण्यात आले असून डबघाईस आलेल्या शेतीव्यवस्था व राजकारण याविषयावर अभ्यासपूर्ण चर्चा करून आंदोलनाची पुढची दिशा ठरविण्या बाबत पाऊल उचलण्यात येणार आहे. या मेळाव्याला माजी मंत्री बच्चूभाऊ कडू, नितीनकराळे, शेतकरी नेते वामनराव चटप, प्रकाश पोहरे, संपादक देशोन्नती डॉ. अजित नवले राजुभाऊ शेट्टी?. रविकांत तुपकर महादेव जानकर, रघुनाथ दादा पाटील राजन क्षीरसागर, अनिल घनवट यासह विविध सामाजिक व शेतकरी संघटनेचे प्रतिनिधी मोठ्यासंख्येने उपस्थित राहणार आहेत.

या मेळाव्याला मोठ्या संख्येने उपस्थित राहावे असे आवाहन आयोजक सतीश देरकर, अनिल घाटे, देवराव धांडे, दशरथ पाटील बोबडे, अनिल गोवारदिपे, प्रहार संघटनेचे मोबिन शेख, रघुवीर कारेकर सय्यद अहमद, यांनी केले.

•नवीन वर्षे आनंदात उत्साहात साजरा करा पण मद्यप्राशन करून वाहने चालवू नका पोलीस यंत्रणा सतर्क असून नियम तोडणाऱ्यावर कडक कारवाई केली जाईल! पोलीस अधीक्षक कुमार चिंता

टोलेबाज न्यूज :

वणी : पोलीस अधिक्षक कुमार चिंता यांनी जिल्ह्यातील सर्व प्रकारच्या गुन्ह्यातिल वार्षिक आढावाची माहिती 30 डिसेंबरला पत्रकार परिषदेत दिली.2024 साली सर्व प्रकारचे गुन्हयांचे प्रलंबित प्रमाण 23% होते सदरचे प्रमाण 2025 साली 7% वर आहे.

* शरिराविरुध्दच्या गुन्हयात मागील वर्ष 2024 चे तुलनेत 2025 मध्ये19.60 % घट झाली आहे.

* ऑपरेशन प्रस्थानच्या माध्यमातुन महिलांकरीता राबविण्यात आलेल्या उपक्रमांमुळे बलात्कार व विनयभंगा सारख्या गुन्हयात विशेष घट झालेली आहे.

* कम्युनिटी पोलीसींग, प्रभावी प्रतिबंधक कारवाई, तडीपार, एमपीडीए इ. कारवाईमुळे खुनाचा प्रयत्न व इतर दुखापतीचे गुन्हयांमध्ये लक्षनिय घट झालेली आहे.

* मालमत्तेच्या गुन्हयात मागील 2024 चे तुलनेत 2025 मध्ये 9% ने घट झाली आहे.

* फुटपॅट्रोलिंग, रात्रगस्त, मालमत्तेविरुध्दचे गुन्हेगारावर कारवाई इ. मुळे जबरी चोरी सारख्या Street Crime मध्ये 41 गुन्हयांनी तसेच चोरी, घरफोडी गुन्हयात लक्षनिय घट झ गालेली आहे.

* सायबर जनजागृती कार्यक्रमांमुळे फसवणुकीचे गुन्हयात घट झालेली आहे.

* मोक्का अंतर्गत कारवाई करुन 31 आरोपींविरुध्द प्रभारी प्रतिबंधक कारवाई करण्यात आलेली आहे.

* नविन फौजदारी कायदा भारतीय न्याय संहिता 2023 कलम 111 व 112 अंतर्गत संघटित गुन्हे करणा-या 4 टोळयांमधील 25 आरोपींवर कारवाई करण्यात आली आहे.

* सन 2025 मध्ये एमपीडीए अंतर्गत 27 प्रस्ताव तयार करण्यात आले आहे. तसेच मपोका कलम 55 अंतर्गत 2 टोळयातील 05 ईसम व कलम 56/57 अंतर्गत 41 ईसम असे 46 ईसम यांना जिल्हयातुन हददपार करण्यात आले आहे.

* अंमली पदार्थांच्या गुन्हयात 52 आरोपीविरुध्द प्रभावी कारवाई करुन 34 गुन्हयात गांजा व एमडी अंमली पदार्थ48,31,942 /- रुपयांचा मुददेमाल जप्त करण्यात आला.

* शस्त्र अधिनियमा अंतर्गत अवैध अग्निशस्त्रा संबंधाने 24 आरोपींविरुध्द कारवाई करुन 20 गुन्हे दाखल करण्यात आले. (25 अग्नीशस्त्र व 384 काडतुसे) तर अवैध शस्त्रासंबंधाने 147 ईसमांवर कारवाई करुन 137 गुन्हे दाखल केले.

* सन 2025 मध्ये अवैध गुटख्यामध्ये 55 आरोपींवर कारवाई करुन 38 गुन्हे दाखल करण्यात आले व 1,19,32,494/- रुपयांचा मुददेमाल जप्त करण्यात आला

* सन 2025 मध्ये अवैध वाळुमध्ये 281 आरोपींवर कारवाई करुन 205 गुन्हे दाखल करण्यात आले व 3,13,84,337/- रुपयांचा मुददेमाल जप्त करण्यात आला.

* सन 2024 अखेर 1076 हरविलेले महिला व पुरुष मिळुन येणे बाकी होते. सन 2025 मध्ये 1959 महिला व पुरुष हरविले आहे. असे एकुण 3035 महिला व पुरुषांपैकी सन 2025 मध्ये 2396 ईसमांचा शोध घेण्यात आला असुन 2025 अखेर मिळुन येणे बाकी असलेले महिला व पुरुष 639 इतके आहे.एकंदरीत मागील वर्षीच्या तुलनेत ऑपरेशन शोध मोहिम राबवुन हरविलेल्या महिला व पुरुषांचा मोठ्या प्रमाणात शोध घेण्यात आला आहे.